ފޮރިންގ މިނިސްޓަރ ޚަލީލް ޔޫއޭއީއަށް
އިންޑިޔާއަށް ކުރެއްވި ރަސްމީ ދަތުރުފުޅު ނިންމާލެއްވުމަށްފަހު ފޮރިންގ މިނިސްޓަރ ޢަބްދުالله ޚަލީލް ޔޫއޭއީ އަށް ވަޑައިގެންފިއެވެ.
ރާއްޖެ ވަޑައިނުގެން އިއްޔެ މިނިސްޓަރ ޚަލީލް ޔޫއޭއީ އަށް ވަޑައިގެންނެވީ ޑެޕިއުޓީ ޕްރައިމް މިނިސްޓަރ އަދި އެގައުމުގެ ފޮރިންގ މިނިސްޓަރ ޝެއިޚު އަބްދުالله ބިން ޒައިދު އަލް ނަހުޔާންގެ ދައުވަތަކަށެވެ. މިބައްދަލުވުމުގައި މިނިސްޓަރ ޚަލީލް އެގައުމުގައި މަތީ ފަންތީގެ މަޝްވަރާތައް ކުރައްވާނެއެވެ.
ދެގައުމުގެ ސިޔާސީ ގުޅުމާއި, ކުރިމަގުގައި ގުޅުން އިތުރަށް ބަދަހިކުރެވޭނެ ދާއިރާތަކުން މަޝްވަރާތައް ކުރާނެ ކަމަށް ފޮރިންގ މިނިސްޓްރީން ބުންޏެވެ. މީގެއިތުރުން ދެގައުމުގެ ފައިދާއަށް ގުޅިގެން ކުރެވެން ހުރި ކަންކަމާމެދުވެސް މަޝްވަރާތައް ކުރިއަށް ގެންދާނެ ކަމަށް ފޮރިންގ މިނިސްޓްރީން ބުންޏެވެ.
މިނިސްޓަރ ޚަލީލްގެ މިދަތުރުފުޅުގައި އަރިހުގައި ފޮރިންގ މިނިސްޓްރީގެ މަތީފެންވަރުގެ ބޭފުޅުން ބައިވެރިވެވަޑައިގަންނަވައެވެ.
ރިއެކްޝަންސް
