ހުޅަނގު އައްސޭރީގައި އަލްޖަޒީރާ މަނާކުރުން, ޕީއޭ ގެ ނިންމުމަކީ އިޒްރާއިލްގެ އަމަލުތަކާ އެއްފަދަ ނިންމުމެއް: އަލްޖަޒީރާ
ޕެލަޞްޠީނިއަން އޮތޯރިޓީ (ޕީއޭ) އިން އިޒްރާއިލްއިން ޙިޞާރުކޮށްފައިވާ ހުޅަނގު އައްސޭރީގައި ހުންނަ ޤަތަރުގެ މީޑިއާ, އަލްޖަޒީރާ, އާ އަހަރުގެ ފުރަތަމަ ދުވަހު މަނާކޮށްފިއެވެ.
ޕީއޭގެ މި ނިންމުމާއެކު އަލްޖަޒީއާއިންވަނީ ޕީއޭއަށް ވަރަށް ބޮޑަށް ފާޑުކިޔާފައެވެ. އަދި ޕީއޭ ގެ މި ނިންމުމަކީ އިޒްރާއިލްއިން ފަލަޞްޠީނުގެ އަހުލުވެރިންނާ ދެކޮޅަށް ހިންގާ އަމަލުތަކާ ތަފާތެއްނުވާ ކަމެއްކަމުގައި އަލްޖަޒީރާއިން ވަނީ ސިފަކޮށްފައެވެ.
"އަލް ޖަޒީރާ މީޑިއާ ނެޓްވަރކް އިން ޕަލަޞްޠީނިއަން އޮތޯރިޓީން ހުޅަނގު އައްސޭރީގައި މި މީޑިއާގެ ކަވަރޭޖް ބަންދުކުރުރި ކުރުމަކީ ވަރަށް ގޯސް އަދި ހީލަތްތެރި ނިންމުމެއް. މިއީ އިޒްރާއިލްއިން ހިފާފައިވާ ފަލަޞްޠީނުގެ ބިންތަކުގައި އެމީހުން ހިންގާ އަމަލުތައް މި މީޑިއާއިން ތިލަކޮށްދޭތީ އެކަން ހުއްޓުވުމަށް އެޅި ވިޔާނުދާ ފިޔަވަޅެއް. ޤަތަރުގައި ހުންނަ އަލްޖަޒީރާގެ މައި އޮފީހުން ބުރާސްފަތި ދުވަހު ނެރުނު ބަޔާނުގައި ބުނެފައި ވެއެވެ.
ބަޔާނުގައި އިތުރަށް ފާހަގަކޮށްފައިވާ ގޮތުގައި ޕީއޭގެ ނިންމުން އައިސްފައި މިވަނީ މީގެ ކުރިން އިޒްރާއިލްއިންވެސް އަލްޖަޒީރާ އާމެދު މިބާވަތުގެ ނިންމުންތައް ނިންމާފައި ވަނިކޮށެވެ. އޭގެތެރޭގައި ފަލަޞްޠީނުގެ ރާމަالله ގައި ހުންނަ އަލްޖަޒީރާގެ އޮފީސް ބަންދުކުރުމާއި, 2023 ވަނަ އަހަރު އިޒްރާއިލްއިން އަލްޖަޒީރާގެ ނޫސްވެރިން ބޭރުކުރުންވެސް ހިމެނެއެވެ.
"ޕަލަޞްޠީނިއަން އޮތޯރިޓީއަށް ގޮވާލަށް ވަގުތުން ވަގުތަށް އެނިންމުން އަނބުރާގެންދިއުމަށް. އަދި އެއްވެސް ބިރުދެއްކުމެއް ނުވަތަ ނުފޫޒެއްނެތި މިނިވަންކަމާއެކު ހުޅަނގު އައްސޭރީގައި މި މީޑިއާގެ ޓީމުން ހަރަކާތްތެރި ވުމުގެ ފުރުޞަތު ދިނުމަށް" ބަޔާނުގައި އިތުރަށް ބުނެފައިވާ ގޮތުގައި ޕީއޭގެ ނިންމުމަކުން އަލްޖްޒީރާއިން ޕްރޮފެޝަނަލް ކަމާއެކު ހުޅަނގު އައްސޭރީގައި ހިނގާ ކަންކަމާ ގުޅޭގޮތުން ކުރިއަށްގެންދާ ކަވަރޭޖްއަކަށް ބަދަލެއް ނާއްނާނެ ކަމުގައި ބުނެފައިވެއެވެ.
ފަލަޞްޠީނުގެ ނިއުސް އެޖެންސީ, ވަފާއިން ރިޕޯޓްކޮށްފައިވާ ގޮތުގައި ޕިއޭއިން އަލްޖަޒިރާ ސަސްޕެންޑް ކޮށްފައިވަނީ 'އަނިޔާވެރިކަމަށް ހިތްވަރުދޭކަމަށް' ކަމަށްބުނެއެވެ.
މި ނިންމުން ނިންމާފައިވަނީ ޕީއޭގެ އިންޓީރިއާ މިނިސްޓަރ އަދި ކޮމިއުނިކޭޝަންސް މިނިސްޓަރ ވެސް އެކުލެވޭ މިނިސްޓީރިއަލް ކޮމިޓީ އަކުންނެވެ.
މިކަމާ ގުޅިގެން އަލްޖަޒީރާއިން ނެރުނު ބަޔާން ނިންމާލަމުން ބުނެފައިވަނީ ނޫސްވެރިންނަށް އެމީހުންގެ ވާޖިބު އަދާކުރުމަށް ހުރަސް އެޅުމަކީ އިޒްރާއިލްއިން ހިފާފައިވާ ބިންތަކުގައި އިޒްރާއިލްއިން ހިންގާ ޖަރީމާގެ އަޑު ކަނޑުވާލުން ކަމަށާއި, އެކަންތައްތަކުގެ ތެދު ހަޤީގަތް ދުނިޔެއަށް ފޮރުވުން ކަމުގައެވެ. ޙާއްސަކޮށް ޖެނިންގެ ކޭމްޕްތަކުގައި ހިންގާ ކަންކަން ކަމުގައިވެސް އަލްޖަޒީރާއިން ފާހަގަކޮށްފައި ވެއެވެ.
ރިއެކްޝަންސް
