ފިޔަވަތީގެ އަހަރީ ދުވަހު އެޗްޑީސީން ގޭމް ރޫމެއް ހަދިޔާކޮށްފި
ފިޔަވަތީގެ އަހަރީ ދުވަހު އެޗްޑީސީން ގޭމް ރޫމެއް ހަދިޔާކޮށްފި އެވެ. މިއަދު ހަވީރު ފަރުކޮޅުފުށީގައި ބޭއްވި ފިޔަވަތީގެ އަހަރީ ޙަފްލާގައި ހައުސިންގ ޑިވެލޮޕްމަންޓް ކޯޕަރޭޝަން (އެޗްޑިސީ) ގެ ގޭމް ރޫމް ފިޔަވައްޗާ ހަވާލުކޮށްދެއްވީ ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދެވެ.
އެޗްޑީސީން ހަދިޔާކުރި ގޭމް ރޫމަކީ 240,000 ރުފިޔާގެ އަގުބޮޑު ގޭމް ރޫމެކެވެ. މިއީ އެކުންފުނީގެ މުވައްޒަފުންގެ ހަދިޔާއެކެވެ.
ހުޅުމާލޭގައި ހުންނަ ކުޑަކުދިންގެ މަރުކަޒު، "ފިޔަވަތި"ގެ އަހަރީ ޙަފުލާގައި ރައީސުލްޖުމްހޫރިއްޔާގެ އަނބިކަނބަލުން ވަނީ، ފިޔަވަތީގެ ކުދިން ހުށަހަޅައިދިން، ތަފާތު ހަރަކާތްތައް ބައްލަވާލައްވައި، އެކުދިންނަށް ހަދިޔާ ޙަވާލުކޮށްދެއްވާފައެވެ. އަދި މި ޙަފުލާގައި ރައީސުލްޖުމްހޫރިއްޔާގެ އަނބިކަނބަލުން ވަނީ، ފިޔަވަތީގެ ކުދިންނާއެކު ހަވީރުގެ ސައިފޮދެއްގައި ބައިވެރިވެވަޑައިގެން، އެކުދިންނާ ބައްދަލުކުރައްވައި، އެކުދިންނާއެކު ވަގުތު ހޭދަކުރައްވާފައެވެ.
ފަރުކޮޅުފުށީގައި ކުރިއަށްގެންދިޔަ ހަފްލާއަކީ އެޗްޑިސީން ފިޔަވަތީގައި ތިބި ކުޑަކުދިންނަށް ކުރިއަށް ގެންދިޔަ ހަފްލާއެކެވެ.
ފިޔަވައްޗަކީ، ކުޑަކުދިންގެ ހިޔާގެ ބައެއްގެ ގޮތުގައި، ހުޅުމާލޭގައި ހިންގާ މަރުކަޒެކެވެ. މި މަރުކަޒުގައި ދައުލަތުން ބަލަހައްޓަނީ، އުމުރުން 13 އަހަރު ނުފުރޭ ކުޑަކުދިންނެވެ.
ރިއެކްޝަންސް
