އައިސީސީގެ ނިންމުމަށް ރައީސްގެ ތައުރީފާއި މަރުހަބާ
އިޒްރޭލްގެ ބޮޑުވަޒީރު ބެންޖަމިން ނަތަންޔާހޫ ހައްޔަރުކުރަން އިންޓަރނޭޝަނަލް ކްރިމިނަލް ކޯޓް (އައިސީސީ) އިން ނިންމުމުން ރައީސުލްޖުމްހޫރިއްޔާ އެކަމަށް މައުހަބާ ވިދާޅުވެއްޖެ އެވެ.
އައިސީސީގެ ނިންމުމަށް މަރުހަބާ ވިދާޅުވެ އެކްސްގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވީ އެއީ އިޒްރޭލުން ފަލަސްތީނުގެ ރައްޔިތުންނާ ދެކޮޅަށް ހިންގަމުންދާ ލާއިންސާނީ ޖަވާބުދާރީ ކުރުމަށް ކުރިއަށް އެޅުނު މުހިއްމު ފިޔަވަޅެއް ކަމަށެވެ. ނަތަންޔާހޫ ހައްޔަރުކުރަން ނެރުނު އަމުރަށް ރާއްޖެއިން ފުރިހަމައަށް އިހުތިރާމް ކުރައްވާ ކަމަށް ރައީސް ވިދާޅުވިއެވެ.
ރައީސުލްޖުމްހޫރިއްޔާ ވިދާޅުވީ ސަރަހައްދީ ހަމަޖެހުމަށްޓަކައި ބައިނަލްއަޤްވާމީ ގާނޫނުތަކަށް ތަބާވެ ފަލަސްތީނުގެ ރައްޔިތުންނަށް އިންސާފް ހޯދައިދޭން ޖެހޭ ކަމަށެވެ. ރާއްޖެއިން އަބަދުވެސް އޮންނާނީ އިޒްރޭލާ ދެކޮޅަށް, ފަލަސްތީނާ އެކުގައި ކަމަށް ވިދާޅުވާ ވިދާޅުވުން ރައީސް ތަކުރާރުކުރެއްވި އެވެ.
ނަތަންޔާހޫގެ އިތުރުން އައިސީސީގެ އިއްތިފާގުން ވަނީ ހަމާސްގެ އަސްކަރީ ފިޔައިގެ ކޮމާންޑަރެއް ކަމަށްވާ މުޙައްމަދު އަލް-މަޞްރީ ހައްޔަރުކުރުމުގެ އަމުރެއްވެސް ނެރެފައެވެ. އައިސީސީގެ 124 މެމްބަރު ގައުމު ހިމެނެއެވެ. އޭގެތެރެއިން ގައުމަކަށް ނަތަންޔާހޫ ވަޑައިގެންފި ނަމަ މިއަމުރާ ގުޅިގެން ހައްޔަރު ކުރަން ޖެހޭނެއެވެ. އިޒްރޭލަކީ އައިސީސީގެ ގައުމެއް ނޫނެވެ.
ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިވަގުތު ހުންނެވީ ނުރަސްމީ ދަތުރުފުޅެއްގައި އިނގިރޭސިވިލާތުގައެވެ.
ރިއެކްޝަންސް
