ރައީސް މުއިއްޒުގެ ސަރުކާރުގެ 1 އަހަރުގެ ކާމިޔާބީ ފާހަގަ ކުރުމަށް ބޮޑު ޖަލްސާއެއް މިރޭ ބާއްވަނީ

ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ ސަރުކާރުގެ ފުރަތަމަ އަހަރުގެ ކާމިޔާބީ ފާހަގަ ކުރުމުގެ ގޮތުން މާލޭގައި ބޮޑު ޖަލްސާއެއް ބާއްވަން ސަރުކާރުން ނިންމަވައިފިއެވެ.

މިރޭ 8 ޖަހާއިރު މި ޖަލްސާ ބޭއްވުމަށް ނިންމާފައިވަނީ ޒުވާނުންގެ މަރުކަޒުގައި ކަމަށް މައުލޫމާތު ލިބިފައި ވެއެވެ.

ރައީސުލްޖުމްހޫރިއްޔާގެ މަގާމާ މިދިޔަ އަހަރުގެ ނޮވެންބަރު މަހުގެ 17 ވަނަ ދުވަހު ހަވީރު ޑރ. މުޢިއްޒު ހަވާލުވެވަޑައިގެންނެވިއިރު އެމަނިކުފާނު ވަނީ ގައުމަށް ދިމާވެފައިވާ ބޮޑެތި މައްސަލަތައް ހައްލު ކުރެއްވުމަށްޓަކައި ގިނަ ކަންތައްތަކެއް އެކުލެވޭ މެނިފެސްޓޯއެއް ރައްޔިތުންނަށް ހުށަހަޅުއްވާފައެވެ.

ސަރުކާރުގެ ފުރަތަ އަހަރުގެ ކާމިޔާބީގެ ގޮތުގައި ސަރުކާރުން ވަނީ ގިނަ ކަންތައްތަކެއް ފާޙަގަ ކުރައްވާފައެވެ. އެގޮތުން ރާއްޖެއަށް ދިމާވެފައިވާ އިގްތިޞާދީ މައްސަލަތައް ހައްލު ކުރެއްވުމަށްޓަކައި ހަރުދަނާ ފިޔަވަޅުތަކެއް އެޅުއްވުމާއި ވޭތުވެދިޔަ އަހަރުގެ ތެރޭގައި ފައިސާ ޗާޕު ނުކޮށް ބޭރުގެ ދަރަނިތައް އަދާ ކުރުމާއެކު ރައްޔިތުންނަށް ފޯރުކޮށްދޭންޖެހޭ ޚިދުމަތްތައް ފޯރުކޮށްދިނުން ފާހަގަ ކުރެވެއެވެ.

‏ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ޒަޢާމަތުގައި ފާއިތުވި އަހަރު ދުވަހު އެކި ދާއިރާތަކުން ދިވެހިރާއްޖެއަށް ގިނަގުނަ ކުރިއެރުންތައް ޙާޞިލު ކުރެވި، އިޞްލާޙީ ގިނަ މަސައްކަތްތަކެއް ވަނީ ފެށިފައިވެއެވެ. މި އަހަރަކީ މާލީ ދަތިތަކާއެކުވެސް އިޤްތިޞާދު ސިންދަފާތުކުރަން ފެށި، އިޖުތިމާޢީ ދުޅަހެޔޮކަން އިތުރުކުރެވި، ދައުލަތުގެ ހިންގުމާއި މާލީ ނިޒާމު ހަރުދަނާކުރެވި، ދިވެހީންގެ ރާއްޖެއަށް މިސްރާބުކޮށް ފައްސިކޮށް ހަލުއި ދަތުރެއް ފެށުނު އަހަރެއްގެ ގޮތުގައި ސަރުކާރުން ފާހަގަ ކުރައްވައެވެ.

ވޭތުވެދިޔަ އަހަރުގެ ތެރޭގައި ސަރުކާރުން މާ ބޮޑު ޕްރޮޖެކްޓެއް ހިންގާފައި ނެތް ނަމަވެސް ދުރު މުސްތަގުބަލަށް އަމާޒުކޮށްގެން އަޅާފައިވާ ހަރުދަނާ ފިޔަވަޅުތައް އާންމުން ބަލައިގަނެއެވެ. އެގޮތުން ރާއްޖޭގައި ބޭރުފައިސާ މާރުކުރުގެ ގަވާއިދަށް ގެނެސްފައިވާ ބަދަލާއި ރާއްޖޭގައި ފުރަތަމަ ފަހަރަށް ޑިވެލޮޕްމަންޓް ބޭންކެއް އުފެއްދުމާއި ގަވާއިދާ ޚިލާފަށް ރާއްޖޭގައި އުޅޭ ބިދޭސީންގެ މައްސަލަ ހައްލު ކުރުމަށް އަޅާފައިވާ ފިޔަވަޅުތަކަކީވެސް އާންމު ރައްޔިތުން ބަލައިގެންފައިވާ މަސައްކަތްތަކެކެވެ.