" ތަނަވަސްކަން ނެތް ރައްޔިތުންނަށް ފައިދާވާން ނޭދޭ ސިޔާސީ ވެރިން ސާފްވާނެ" -ރައީސް މުއިއްޒު
ތަނަވަސްކަން ނެތް ރައްޔިތުންނަށް ފައިދާއެއް ވާން ނޭދޭ ސިޔާސީ ވެރީން ރައްޔިތުންނަށް ވަރަށް ސާފުވާނެ ކަމަށް ވިދާޅުވެ އިދިކޮޅު ފަރާތްތަކަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ރައްދެއް ދެއްވައިފިއެވެ.
މިއަދު ކުރެއްވި ޕޯސްޓެއްގައި ރައީސުލްޖުމްހޫރިއްޔާ ވިދާޅުވީ އެފަދަ ސިޔާސީ ވެރީން ކުރިޔަށް އޮތް ތާނގައި އިތުރަށް ފެންނާނެ ކަމަށެވެ. ރައީސުލްޖުމްހޫރިއްޔާ މިފަދައިން ވިދާޅުވެފައި ވަނީ އުމުރުން ދުވަސްވި ފަރާތްތަކަށް ދޭ އިނާޔަތް ހަމައެކަނި ތަނަވަސްކަން ނެތް އިނާޔަތް ބޭނުން ޖެހިފައިވާ ފަރާތްތަކަށް ދޭގޮތަށް ބަޖެޓްގައި ހިމެނުއްވުމުން ފާޑުކިއުން އަމާޒުވަމުން ދަނިކޮށެވެ. އަދި އާސަންދަ ވެސް ހަމައެކަނި ނިކަމެތީންނަށް ދޭން ނިންމާ އެމަގަށް މަސައްކަތް ފެއްޓެވުމުން އަމާޒުވަމުންދާ ފާޑުކިއުންތަކާ ގުޅިގެންނެވެ. ސަބްސިޑީ ދިނުމުގައިވެސް އެމަގަށް ކަންކަން ބައްޓަންކޮށް ތަންފީޒު ކުރަން ސަރުކާރުން މަސައްކަތް ފެށުމުން އިދިކޮޅު ފަރާތްތަކުގެ ފާޑުކިއުން ދަނީ އަމާޒުވަމުންނެވެ.
https://x.com/MMuizzu/status/1856996948781215895
ފާޑުކިއުންތަކާއެކު ރައީސުލްޖުމްހޫރިއްޔާ ވިދާޅުވީ މި ސަރުކާރު ކުރިޔަށްދާނީ ރައްޔިތުންގެ ފަޅީގައި އޮވެ ކަމަށެވެ. ހުރިހާ ރައްޔިތުންނަށް އިންސާފުވެރިކަމާއެކު ތަނަވަސްކަން ހޯދައިދިނުމުގައި ސަރުކާރު ދެމިއޮންނާނެ ކަމަށް ވިދާޅުވިއެވެ.
ރިއެކްޝަންސް
