އަޅުގަނޑު ދޫކޮށް ޣައްސާން ދިއުމުން ދެރަވޭ: ޔާމީން
ޔާމީން ވިދާޅުވީ ޣައްސާން މައުމޫން ވަޒީފާއެއްގެ ބޭނުމުގައި ވަޑައިގަން ނުޖެހޭނެ ކަމަށް
އަރިހުގައި އުޅުއްވި ބޭފުޅުންގެ ތެރެއިން ޣައްސާން މައުމޫން އެމިނކުފާނާ ދުރަށް ވަޑައިގަތުން އެކަމާ ދެރަފުޅުވާ ކަމަށް ކުރީގެ ރައީސް އަބްދުﷲ ޔާމީން އަބްދުލް ގައްޔޫމް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ރާއްޖެ ޓީވީގެ ފަށާއިރު ޕްރޮގްރާމަށް ދެއްވި ޚާއްސަ އިންޓަވިއުއެއްގައެވެ.
ރައީސް ޔާމީން ވިދާޅުވީ އެކުގައި ޣައްސާން މައުމޫނަކީ ވަޒީފާއެއް ހޯދުމުގެ ބޭނުމުގައި ވަޑައިގަންނަވަން ޖެހިވަޑައިގަންނަވާ ވަރުގެ ބޭފުޅެއް ނޫން ކަމަށެވެ.
ޔާމީން ވިދާޅުވި ގޮތުގައި ޣައްސާން ގެ ބައްޕާފުޅަކީވެސް ރާއްޖޭގައި ވަތަނީ އަދި ފާހަގަ ކުރެވޭ ޚިދުމަތްތަކެއް ކުރެއްވި ބޭފުޅެއް ކަމަށާއި އެފަދަ ބޭފުޅެއްގެ ދަރުކަލަކު ކޮމްޕްރޮމައިޒް ކުރަން ޖެހިވަޑައިނުގަންނަވާ ކަންކަން ހުންނަން ވާނެ ކަމަށެވެ
ޔާމީން ތުހުމަތު ކުރެއްވި ގޮތުގައި މިހާރު ސަރުކާރުން ވަނީ ރާއްޖޭގެ މިނިވަންކަން ކޮމްޕްރޮމައިޒް ކޮށްފައެވެ.
ޔާމީން ވިދާޅުވީ ސިޔާސީ މަސައްކަތުގައި އެކުގައި އުޅުނު ލީޑަރުންތަކެއް ފެއަށް ޖެހުމަކީ ދެރަކަމެއް ކަމަށެވެ.
އެހެން ނަމަވެސް ލީޑަރުން ބިނާކުރެވިދާނެ ކަމަށް ޔާމީން ވިދާޅުވިއެވެ.
ޔާމީން ވިދާޅުވީ ސަރުކާރުން މިއަދު ކަންތައް ކުރަމުން އަންނަނީ ކުރީގެ ރައީސް ސާލިހުގެ ސަރުކާރުން ކަންތައް ކުރި ގޮތައް ކަމަށެވެ.
ރިއެކްޝަންސް
