ފްރިމިއަރ ލީގު: ސައުތަމްޕްޓަން އަތުން މޮޅުވެ ސިޓީ އަނެއްކާވެސް ތާވަލްގެ އެއްވަނައަށް
އިނގިރޭސި ޕްރިމިއަރ ލީގުގައި ހޮނިހިރު ދުވަހުގެރޭ ކުޅުނު މެޗުގެ ވަރަށް ކުރީކޮޅު އާލިން ހާލަންޑް ކާމިޔާބުކޮށްދިން ގޯލުން މޮޅުވެ, މެންޗެސްޓަރ ސިޓީ އަނެއްކާވެސް ތާވަލްގެ އެއްވަނައަށް ޖެހިލައިފިއެވެ. ސައުތަމްޕްޓަން އާ ދެކޮޅަށް ކުޅުނު މެޗުން ސިޓީ މޮޅުވީ 1-0 ނެވެ.
މެޗުގައި ސިޓީން ކާމިޔާބުކުރި ހަމައެކަނި ގޯލް 5 ވަނަ މިނިޓްގައި ހާލަންޑް ކާމިޔާބުކުރީ މެތިއުސް ނުނޭޒް ނަގައިދިން ހުރަހަކުންނެވެ. މެޗުގެ ހަމައެކަނި ގޯލް ކާމިޔާބުކޮށްދިން ހާލަންޑް އަށް އިތުރު ގޯލްތަކެއް ޖަހާނެ ރަނގަޅު ފުރުޞަތުތަކެއް ލިބުން ނަމަވެސް ނިންމާނުލެވުނެވެ. މެޗުން ބަލިވި ނަމަވެސް, ސައުތަމްޕްޓަން އިން ވަނީ ސީޓީގެ ހަމަލާތައް ދިފާއުކުރުމުގައި ކާމިޔާބު ހޯދާފައެވެ. އަދި ނަތީޖާ ހަމަހަމަ ކުރެވޭތޯ ސައުތަމްޕްޓަން އިންވެސް ރަނގަޅު މަސައްކަތްތަކެއް ކުރިއެވެ. އޭގެ ތޭރޭގައި ފުރަތަމަ ހާފު ނިމެނިކޮށް ކެމަރަން އާޗަރ އަށް ލިބުނު ފުރުޞަތު ފާހަގަކޮށްލެވެއެވެ.
މި ނަތީޖާއާއެކު ލީގުގައި ސިޓިން ވަނީ ލީގުގައި ބަލިނުވެ ދަމަހައްޓަމުން އަންނަ ރެކޯޑް 32 މެޗަށް އިތުރު ކޮށްފައެވެ. އަދި ސިޓީ މެޗަކުން ބަލިނުވެ 12 މަސް ހަމަވާން މިހާރު ވަނީ އެންމެ ހަ ހަފުތާއަށްވެފައެވެ.
މި ނަތީޖާއާއެކު ރަސެލް މާޓިންގެ ކްލަބް, ސައުތަމްޕްޓަން ލީގުގެ ފުލުގައި އޮތީ އެންމެ ޕޮއިންޓަކާއެކުއެވެ. ހޮނިހިރު ދުވަހު ކުޅުނު އިތުރު މެޗުތަކަށް ބަލާއިރު, ބާންމައުތާ ވާދަކޮށް 1-1 ން އެއްވަރުވެގެން ތާވަލްގެ 3 ވަނައިގައި އޮތީ އެސްޓަންވިލާއެވެ. 4-3 ން އިޕްސްވިޗް ސިޓީ ކައިރިން ބްރެންޓްފޯޑް މޮޅޮވެފައިވާއިރު, ބްރައިޓަން އާއި ވުލްވުސް ކުޅުނު މެޗު ވަނީ 2-2 ން އެއްވަރު ވެފައެވެ. ނޮޓިންގހަމް ފޮރެސްޓުން ލެސްޓަރ ސިޓީ ބަލިކޮށްފައިވަނީ 3-1 ން ނެވެ.
ރިއެކްޝަންސް
