އިމިގްރޭޝަންގެ ޚާއްޞަ އޮޕަރޭޝަން ކ.ގުރައިދޫގައި, ޤަވާއިދާ ހިލާފް 39 ބިދޭސީއެއް
ކ.ގުރައިދޫގައި ކުރިއަށް ގެންދިއަ އިމިގްރޭޝަންގެ ޚާއްޞަ އޮޕަރޭޝަންގައި 39 ބިދޭސީއެއް އިމިގްރޭޝަންގެ ބެލުމުގެ ދަށަށް ގެންގޮސްފިއެވެ. މޯލްޑިވްސް އިމިގްރޭޝަނުން ބުނީ ގުރައިދޫގައި ކުރިއަށްގެންދިޔަ ހާއްސަ ރެއިޑު އޮޕަރޭޝަނަކީ ގަވާއިދާ ހިލާފަށް ރާއްޖޭގެ އެކިކަންކޮޅުތަކުގައި އުޅޭ ބިދޭސީން ބަލާ ފާސްކުރުމަށް ފެށި އޮޕަރޭޝަންގެ ދަށުން ކުރިއަށް ގެންދިޔަ ރެއިޑެއް ކަމަށެވެ.
އިމިގްރޭޝަންގެ ބެލުމުގެ ދަށަށް ގެންދިޔަ 39 ބިދޭސިންނަކީ ގުރައިދޫގައި ގަވާއިދާ ހިލާފަށް ވިޔަފާރިކޮށް, މަސައްކަތް ކުރަމުން ދިޔަ މީހުންނެވެ. އޭގެތެރޭގައި ބަނގްލަދޭޝް, ނޭޕާލް, ސްރީލަންކާ އަދި އިންޑިޔާ މީހުން ހިމެނެއެވެ. މީގެއިތުރުން ނައިޖީރިޔާ މީހަކުވެސް ހިމެނޭ ކަމަށް އިމިގްރޭޝަނުން ބުންޏެވެ.
ގުރައިދޫގައި ކުރިއަށް ގެންދިޔަ އޮޕަރޭޝަންގައި 42 ތަނެއް ބަލާފާސްކުރި އެވެ. އަދި 106 ބިދޭސީން ޗެކް ކުރި ކަމަށް އިމިގްރޭޝަނުން ބުންޏެވެ. އޭގެތެރެއިން ވިސާ ފުރިހަމަ ނޫން 11 ބިދޭސީން ފާހަގަވެ, އިމިގްރޭޝަނަށް ހާޒިރުވުމަށް ވަނީ ލިޔުން ދީފައެވެ. އަދި އެފަދަ ބިދޭސީންނަށް ވަޒީފާދިން 5 ދިވެހިންނަށް ލިޔުމުން ނަސޭހަތް ދިންކަމަށް އިމިގްރޭޝަނުން ބުންޏެވެ.
ގުރައިދޫގައި ކުރިއަށް ގެންދިޔަ އޮޕަރޭބަންގައި އިމިގްރޭޝަން ކޮންޓްރޯލަރ އާއި ޑެޕިއުޓީ ކޮންޓްރޯލަރ ހިމެނޭ ގޮތަށް އިމިގްރޭބަންގެ 20 އޮފިސަރުން ބައިވެރިވިއެވެ. މީގެއިތުރުން 9 ފުލުހުންނާއި ގުރައިދޫ ކައުންސިލުންވެސް ބައިވެރިވި ކަމަށް އިމިގްރޭޝަނުން ބުންޏެވެ.
މިއީ ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް ފަށާފައިވާ އޮޕަރޭޝަން ކުރިއަށް ގެންދިޔަ ރެއިޑެކެވެ.
ރިއެކްޝަންސް
