ފަތުރުވެރިކަން ދަމަހައްޓަން ދިވެހިގޮތްތައް ހިފެހެއްޓުން މުހިއްމު- ރައީސް
ފަތުރުވެރިކަން ދަމަހައްޓަން ދިވެހިގޮތްތައް ހިފެހެއްޓުން މުހިއްމުކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެ އެވެ. އެމަނިކުފާނު މިފަދައިން ވިދާޅުވީ ފަތުރުވެރިކަމުގެ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައެވެ.
ރައީސް މުއިއްޒު ވިދާޅުވީ ރާއްޖޭގެ ފަތުރުވެރިކަން ކާމިޔާބުކަމާއެކު ދެމެހެއްޓުމުގައި ދިވެހީންގެ ޞުލުހަވެރި އޮމާން ދިވެހިގޮތްތައް ހިފެހެއްޓުން ނުހަނު ބޭނުންތެރި ކަމަށެވެ. ރައީސް ވިދާޅުވީ ފަތުރުވެރިކަމުގެ ބިންގަލަކީ މިތުރުވެރިކަން ކަމަށެވެ.
"އެކުވެރިކަމާއި ހިތްހެޔޮ ކަމާއި, އަމާން ކަމާއި ރައްކާތެރިކަމެވެ. " ރައީސް ވިދާޅުވިއެވެ.
މިއަދު ފާހަގަކުރަނީ ރާއްޖޭގެ ފަތުރުވެރިކަމަށް 52 އަހަރު ފުރުމެވެ. މިއަހަރުގެ މިހާތަނަށް ރާއްޖެއަށް ޒިޔާރަތްކުރި ފަތުރުވެރިންގެ އަދަދު 1.4 މިލިއަނަށް އަރައެވެ. ސަރުކާރުގެ އަމާޒަކީ މިއަހަރު ދެ މިލިއަން ޓޫރިސްޓުން ގެނައުމެވެ.
ރިއެކްޝަންސް
