ގެސްޓްހައުސް އެއްގައި ފޭރުނު މައްސަލައިގައި ދެމީހެއްގެ މައްޗަށް ދައުވާ ކުރަން ފޮނުވައިފި
ގެސްޓްހައުސް އެއްގައި ފޭރުނު މައްސަލައިގައި ދެމީހެއްގެ މައްޗަށް ދައުވާ ކުރަން ފޮނުވައިފިއެވެ.
ފުލުހުން މިއަދު ބުނީ ޖުލައި 19 ވަނަ ދުވަހު މާލެ, ޔެލޯ ލައިޓް ސްޓޭ ގެސްޓް ހައުސްއަސް ދިވެހި ފިރިހެނަކު ވައްދާ ބިރު ދައްކައިގެން ފޭރުނު މައްސަލައިގައި ދެމީހެއްގެ މައްޗަށް ދައުވާ ކޮށްދިނުމަށް އެދި ޕީޖީ އޮފީހަށް ފޮނުވާފައިވާ ކަމަށެވެ. މައްސަލައިގެ ތަހުގީގު ނިންމައި، ދައުވާ ކޮށްދިނުމާ މެދު ގޮތެއް ނިންމަން ޕީޖީއަށް ފޮނުވީ ގ. އޯލްޕެރިސް، އަޙްމަދު މިހާދު (44އ) އަދި ގ. ރަނައުރާގެއާގެ، ރިމާނާ މޫސާ (39އ) އަށެވެ. ފުލުހުން ޕީޖީއަށް ފޮނުވީ މިމަހުގެ 12 ވަނަ ދުވަހު އެވެ.
އެދެ މީހުން ވަނީ މީހަކަށް ތޫނު އެއްޗިހިން ބިރުދައްކައި، އޮރިޔާންކޮށް، އޭނާގެ ވޮލެޓުގައި ހުރި ފައިސާ ނަގައި އެކައުންޓުގައި ހުރި ފައިސާ ޓްރާސްފަރކޮށްފައެވެ. މިފަދަ މައްސަލަތައް އަންނަނީ ޢާއްމު ވަމުންނެވެ.
ރިއެކްޝަންސް
