އަލިފާނުގެ ހާދިސާގައި 57 މީހުން ހާލުގައި ޖެހުނު
ހ.ދޫހިމިރިގޭގައި ހިންގަމުން އައި ކެފޭގައި ހިނގި އަލިފާނުގެ ހާދިސާގައި 57 މީހަކު ހާލުގައި ޖެހިފައިވާ ކަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފިއެވެ.
އެއޮތީރިޓީން ބުނީ އިއްޔެ މެންދުރުފަހު ހިނގި އަލިފާނުގެ ހާދިސާގައި ހާލުގައި ޖެހުނީ 37 ދިވެހިންނާއި 20 ބިދޭސީން ކަމަށެވެ. އެންޑީއެމްއޭ އިން ބުނީ އެފަރާތްތަކަށް ބޭނުންވާ އިންސާނީ އެހީތެރިކަން ފޯރުކޮށްދީފައިވާ ކަމަށެވެ.
އަލިފާން ރޯވީ ހ.ދޫހިމެރިގޭގެ ގްރައުންޑް ފްލޯގައި ބިދޭސީން ހިންގަމުން އައި ގާމަގު ކެފޭގައެވެ. އެކަމަކު އެކެފޭގެ މަތީ ދެ ފަންގިފިލާގައި އެކޮމަޑޭޝަން ބްލޮކްތަކެއް ހަދާފައި ހުރުމުން ހާލުގައި ޖެހުނު މީހުންގެ އަދަދު އިތުރު ވީއެވެ.
އަލިފާނުގެ ހާދިސާގައި އެކެފޭ ވަނީ ބޭނުން ނުކުރެވޭ ވަރަށް އަނދާފައެވެ. އަލިފާން ނިއްވާލިފަހުން ވެސް އިތުރަށް ރޯވެ, ފުލުހުންނާއި ސިފައިން ހަރަކާތްތެރި ވިއެވެ. މިހާދިސާގައި މީގަކަށް ބޮޑު ގެއްލުމެއް ނުލިބެއެވެ. އެކަމަކު މަގުމަތީގައި ތިބި ދެ މީހަކަށް ދުމުގެ އަސަރުކޮށްގެން ހޮސްޕިޓަލުން ފަރުވާދިން ކަމަށް ފުލުހުން ބުންޏެވެ.
ރިއެކްޝަންސް
