ރައީސުލްޖުމްހޫރިއްޔާ، އަބްދުއްރަހީމާ މަޝްވަރާ ކުރެއްވީ ސަރުކާރުގެ ފަރާތުން ފޮނުއްވަންހުރި ބިލްތަކާމެދު - ހީނާ

ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިއަދު ރައްޔިތުންގެ މަޖިލިހުގެ ރައީސް އަބްދުއްރަހީމްއާ މަޝްވަރާ ކުރެއްވީ ސަރުކާރުގެ ފަރާތުން ފޮނުއްވަންހުރި ބިލްތަކާމެދު މެދު ކަމަށް ސަރުކާރުގެ ތަރުޖަމާނު ހީނާ ވަލީދު ވިދާޅުވެއްޖެއެވެ. 

ދެބޭފުޅުންގެ ގުޅުން ގޯސްވެފައި ވަނިކޮށް، މިއަދު ރައީސް އޮފީހުގައި ބައްދަލުކުރެއްވިކަން ކަށަވަރުކޮށްދެއްވާ ހީނާ ކުރެއްވި ޓްވީޓެއްގައި ވިދާޅުވީ މަޝްވަރާ ކުރެއްވީ ރައްޔިތުންގެ މަޖިލީހަށް މި އަހަރުގެ މި ފެށުނު ދައުރުގައި ސަރުކާރުގެ ފަރާތުން ފޮނުއްވަންހުރި ބިލްތަކާމެދު ކަމަށެވެ.

‏" މި ބައްދަލުކުރެއްވުމަކީ، މިދިޔަ އަހަރުވެސް ކޮންމެ ދައުރެއްގެ ކުރީކޮޅު ކުރިއަށްގެންދަވާފައިވާ ފަދަ މަޝްވަރާ ބައްދަލުވުމެއް" ހީނާ ވިދާޅުވިއެވެ.

މިބައްދަލުވުމުގައި ޕީ.އެން.ސީގެ ޕީ.ޖީ ލީޑަރު އިބްރާހީމް ފަލާޙް ވެސް ބައިވެރިވެވަޑައިގެންނެވިއެވެ.