އިޒްރާއިލްއިން ޖެނިން އަށް ވަރުގަދަ ހަމަލަތަކެއްދީ 9 މީހަކު ޝަހީދުކޮށް އެތައްބަޔަކު ޒަޙަމްކޮށްލައިފި
އިޒްރާއިލްއިން ހިފާފައިވާ ހުޅަނގު އައްސޭރީގެ ސިޓީއެއް ކަމަށް ވާ ޖެނިން އަށް އިޒްރާއިލްއިން ވަރުގަދަ ހަމަލާތަކެއް ދޭން ފަށައިފިއެވެ. ހަމަލާތަކުގައި މިހާތަނަށް 9 މީހަކު ޝަހީދުވެފައި ވާކަން ފަލަޞްޠީނުގެ ހެލްތު މިނިސްޓްރީން ވަނީ ކަށަވަރުކޮށްދީފައެވެ.
އިޒްރާއިލްގެ ސިފައިންގެ ފަރާތުން އަންގާރަ ދުވަހުގެ ކުރީގެ ވަގުތެއްގައި ބުނެފައިވަނީ އަސްކަރިއްޔާ, ޕޮލިސް އަދި އިންޓެލިޖެންސް ގުޅިގެން "ކައުންޓަރ ޓެރަރިޒަމް ހަރަކާތެއް" ޖެނިން ގައި ކުރިއަށް ގެންދާ ކަމުގައެވެ.
ހަމަލާތަކުގައި މަރުވި މީހުންނަކީ ކޮންބައެއްކަން އަދި ކަށަވަރުވެފައި ނުވާ ކަމަށާއި, އިތުރު 35 މީހަލު ޒަހަމްވެފައިވާ ކަމަށް ހެލްތް މިނިސްޓްރީން މައުލޫމާތު ދީފައި ވެއެވެ.
"އިޒްރާއިލްގެ ސަލާމަތީ ބާރުތަކުން އާންމުންނާ ދިމާއަށް ބަޑިޖަހާފައިވަނީ. ހަމަލާތަކުގައި ބައެއް އާންމުން އަދި އެސަރަހައްދުގެ ސަލާމަތީ ކަންކަން ބެލެހެއްޓި ބައެއް މީހުންވެސް ޒަހަމްވި. އެކަކު އޮތީ ނާޒުކު ހާލަތެއްގަ" ޕަލަޞްޠީނިއަން އޮތޯރިޓީ (ޕީއޭ) ގެ ތަރުޖަމާނާ ހަވާލާދީ އަލްޖަޒީރާގައި ރިޕޯޓްކޮށްފައި ވެއެވެ.
އިޒްރާއިލްގެ ބޮޑުވަޒީރު ބެންޖަމިން ނަތަންޔާހޫ ބުނެފައިވަނީ ޖެނިންގައި ދެމުންދާ ހަމަލާތަކުގެ މަޤްސަދަކީ ޓެރަރިޒަމް ގެ އަމަލުތައް ހުއްޓުވަން ދޭ ހަމަލާތަކެއް ކަމުގައެވެ.
އޭއެފްޕީ ނިއުސް އެޖެންސީން ޖެނިންގެ ގަވަރުނަރު ކަމާލް އަބޫ-އަލް ރަބް އާ ހަވާލާދީ ބުނެފައިވަނީ ޖެނިންގައި ހިންގަމުންދާ ކަމަކީ "އަރައިގަތުމުގެ' އަމަލެއް ކަމުގައެވެ.
ހަމާލާތައް ދޭންފެށީ ކުއްލިއަކަށް ކަމަށާއި ކުޑަ އިރުކޮޅެއްގެ ތެރޭގައި މުޅި ސަރަހައަދު އެއްކޮށް އިޒްރާއިލްގެ އަސްކަރިއްޔާގެ އުޅަނދުތަކުން ފުރާލާފައިވާކަމަށް އަލްޖަޒީރާގައި ރިޕޯޓްކޮށްފައި ވެއެވެ.
ރިއެކްޝަންސް
