މާލޭގައި ފެންބޮޑުވުމުން ސިފައިން 104 ގެއަކަށް އެހީތެރިވެދީފި
ރޭ މެންދަމު މާލެއަށް ކުރި ބޯވިއްސާރައިގަ ފެންބޮޑުވެ, ޢާއްމުންނަށް ލިބެމުންދިޔަ ގެއްލުންތައް ކުޑަކުރުމަށް ސިފައިން ނިކުމެ 104 ގެއަކަށް އެހީތެރިވެދީފިއެވެ.
އެމްއެންޑިއެފްއިން ބުނީ 104 ގެއަކަށް އެހީތެރިވެދީ 528 ވެލިބަސްތާ ޖަހައިދީފައިވާ ކަމަށެވެ. ފެން ހިންދުމުމުގެ މަސައްކަތުގައި އެމްއެންޑީއެފް އިން މާލޭގެ 7 ސަރަހައްދެއްގައި 17 ޕަޕްޕް ބަހައްޓައިގެން 18201 ޓަނުގެ ފެން ހިންދިއެވެ.
ނޭޝަނަލް ޑިޒާސްޓަރ މެނޭޖްމަންޓް ސެންޓަރުން ބުނީ ރޭ މާލެއަށް ކުރި ވިއްސާރާގައި ފެންބޮޑުވުމުގެ ސަބަބުން 7 ގޭބިސީ އެއްގެ 44 މީހަކަށް އެއް ދުވަހަށް ވަގުތީ ބޯހިޔާވަހިކަމާއި ކެއިން ބުއިންމުގެ އިންތިޒާމު ހަމަޖައްސާދީފައިވާ ކަމަށެވެ. އެރާތްތައް ބަދަކުކުރެވުނީ އެގެތަކުގެ ފާޚާނާތަކުން ނަޖިސް ލީކުވުމާއި ކައްކާ ކައިބޮއެ ހެދުމަށް ބުރޫ އަރާ އާންމު ދިރިއުޅުމަށް ހުރަސްއެޅިފައިވާ ހާލަތަށް ގޮސްފައިވުމުން ކަމަށް އެންޑީއެމްއޭ އިން ބުންޏެވެ.
ރިއެކްޝަންސް
