ސަފާރީއަކުން މޫދަށް ވެއްޓުނު ޒުވާނާ މަރުވެފައި އޮއްވާ ކަނޑު އަޑިން ފެނިއްޖެ

ސަފާރީއަކުން މޫދަށް ވެއްޓުނު ޒުވާނާ ކަނޑު އަޑިން ފެނިއްޖެއެވެ. އެމްއެންޑީއެފް އިން ބުނީ ގެއްލުނު ދިވެހި މީހާގެ ހަށިގަނޑު، އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑު ސެކަންޑް ސްކޮޑްރަންގެ ޑައިވަރުން، ކަނޑުގެ 69 މީޓަރު އަޑިން ހޯދައިފި ކަމަށެވެ. ޑައިވަރުންގެ ޓީމުން، އެ މީހާގެ ހަށިގަނޑު ލޯންޗަށް ނެގީ 15:35 ހާއިރު އެވެ.

ސަފާރީން މޫދަށް ވެއްޓުނީ ނ.ހޮޅުދޫ ސީވީޑް 35 އަހަރުގެ އަލީ އަރުޝަދު އެވެ. އޭނަ މޫދަށް ވެއްޓުނުކަން ޔަގީންވީ އެސަފާރީގެ ސީސީޓީވީ ފުޓޭޖުން އެމަންޒަރު ފެނުމުންނެވެ. އެޒުވާނާ ކަނޑަށް ވެއްޓުނީ މިރިހި އައިލެންޑް ރިސޯޓް ކައިރީގައި އޮތް "ނޯތު 07" ސަފާރީއިންނެވެ.