ގެއެއްގެ ތެރޭގައި މަރުވެފައި އޮތް މީހެއްގެ މަރުގެ ސަބަބު ދެނެގަތުމަށް ޕޯސްޓްމޯޓަމް ހަދަނީ
މިއަދު މާލޭގެ ގެއެއްގެ ތެރޭގައި މަރުވެފައި އޮއްވާ ފެނުނު މީހެއްގެ މަރުގެ ސަބަބު ދެނެގަތުމަށް ޕޯސްޓްމޯޓަމް ހަދަން ފުލުހުން ނިންމައިފިއެވެ.
މިއަދު ހެނދުނު މަރުވެފައި އޮއްވާ ފެނުނީ މ.ތަރިވިލާގެ ހުސައިން އަހުމަދު (41އ) އެވެ. ފުލުހުން ބުނީ ހެނދުނު 09:53 ހާއިރު މީހަކު ނިޔާވެގެން އައިޖީއެމް ހޮސްޕިޓަލަށް ގެންދިޔަ ކަމުގެ މައުލޫމާތު ލިބުނު ކަމަށެވެ. އެމީހާ ފެނުނީ ކޮންތަނަކުން ކަމެއް ފުލުހުން ނުބުނެއެވެ. ނަމަވެސް މައުލޫމާތު ލިބިފައިވާ ގޮތުގައި އޭނާ ނިޔާވެފައި އޮއްވާ ފެނުނީ އޭނާގެ ގެއިންނެވެ. ހަށިގަނޑުގައި އަނިޔާއެއް ނުވަތަ ޒަޚަމެއް ހުރިކަމަކަށްވެސް އަދި ނެތް ކަމަކަށްވެސް ފުލުހުން ނުބުނެއެވެ.
އެކަމަކު ޕޯސްޓްމޯޓަމް ހަދަން ނިންމާފައިވާ ކަމަށް ފުލުހުން ބުންޏެވެ. ފުލުހުން ބުނީ މައްސަލަ ތަހުގީގު ކުރަމުންދާކަމަށެވެ.
ރިއެކްޝަންސް
