36 ގޭބީސީއެއްގެ 266 މީހުންން ވަގުތީ ހިޔާވަހިކަމަށް!
ފެންބޮޑުވެގެން އެހީއަށް އެދި 774 ރިޕޯރޓް
މާލެއަށް ކުރި ބޯވިއްސާރައިގައި ފެންބޮޑުވެ. ލިބުނު ގެއްލުންތަކުގެ ސަބަބުން 26 ގޭބީސީއެއްގެ 266 އާއިލާއަކަށް ވަގުތީ ބޯހިޔާވަހިކަން ހޯދައިދޭން ޖެހުނު ކަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފިއެވެ.
އެންޑީއެމްއޭއިން ބުނީ އެމީހުންނަށް ކެއުންބުއިމުގެ ކަންކަންވެސް ހަމަޖައްސައިދިން ކަމަށެވެ. މާލޭގައި ފެންބޮޑުވެގެން އެކިއެކި އެހީތަކަށް އެދި 774 ތަނަކުން ރިޕޯޓުކުރި ކަމަށް އެންޑީއެމްއޭ އިން ބުންޏެވެ. އޭގެތެރެއިން 554 ރިކުއެސްޓަކީ ވެލިބަސްތާ ޖެހުމަށް އެދި ލިބުނު ރިކްއެސްޓެވެ. 53 ގެއެއްގެ ރެޕިޑް އެސެސްމެންޓް ހެދިކަމަށް އެންޑީއެމްއޭ އިން ބުންޏެވެ. ވަގުތީ ހިޔާވަހިކަމަށް ގެންދިޔައީ އޭގެތެރެއިން 266 މީހުންނެވެ.
މާލޭގެ އިތުރުން 10 ރަށަކަށް ވިއްސާރައިގައި ފެންބޮޑުވެ ބޮޑަތި ގެއްލުންތައް ލިބުނު ކަމަށް އެންޑީއެމްއޭ އިން ބުންޏެވެ. އޭގެތެރެއިން ރ.އިނގުރައިދޫ އާއި ށ.މަރޮށްޓަށް އުދައަރައިގެން އެކިވަރުގެ ގެއްލުންތައް ލިބުނެވެ. ބޮޑަތި ގެއްލުންތައް ލިބުނު ރަށްތަކުގެ ތެރެއިން ފ.ނިލަންދޫގެ %80 ފެންބޮޑުވިއެވެ.
ދ.ކުޑަހުވަދޫ އާއި ދ.މީދޫގެ ދިހަ ވަރަކަށް ގެއަށް ފެންދެގެން ގެއްލުން ލިބުނު ކަމަށް އެންޑީއެމްއޭ އިން ބުންޏެވެ.
ފ.މަގޫދޫގެ 9 ގެއަކަށް ފެންވަދެ, އެއް ގެޔަކުން މީހުން ހުސްކުރަން ޖެހުނެވެ.އދ.މާމިނގިލީގެ 4 ގެޔަކަށް ބޮޑަތި ގެއްލުންތަކެއް ލިބުނެވެ. ކ.ގުރައިދޫގެ 60 ގެއަކަށް އެކިވަރުގެ ގެއްލުންތައް ލިބުނު ކަމަށް އެންޑިއެމްއޭ އިން ބުންޏެވެ. ފ.ފީއަލިން ފެންބޮޑުވެގެން އެއް ގެޔަކުން މީހުން ބަދަލުކުރިއެވެ. ކ.ހިންމަފުށީގެ %60 ގެތަކުގައި ފެންބޮޑުވި ކަމަށް އެންޑީއެމްއޭ އިން ބުންޏެވެ.
އެމްއެންޑީއެފް އިން ބުނީ ފެންބޮޑުވި ގިނަ ރަށްތައް ޢާއްމު ހާލަތަކަށް ގެނެވިފައިވާ ކަމަށެވެ.
ރިއެކްޝަންސް
