ފޮރިންގ މިނިސްޓަރ ޚަލީލް އިންޑިޔާއަށް ކުރައްވާ ފުރަތަމަ ރަސްމީ ދަތުރުފުޅުގައި އެގައުމަށް ވަޑައިގެންފި
ފޮރިންގ މިނިސްޓަރ ޚަލީލް އިންޑިޔާއަށް ކުރައްވާ ފުރަތަމަ ރަސްމީ ދަތުރުފުޅުގައި އެގައުމަށް ވަޑައިގެންފިއެވެ. ފޮރިންގ މިނިސްޓަރ ޑރ.އަބްދުالله ޚަލީލް މިހާރު ހުންނެވީ އިންޑިޔާގެ ނިއުދިއްލީގައެވެ.
މިއީ މިސަރުކާރުގެ ދެވަނަ ފޮރިންގ މިނިސްޓަރ މަގާމްގެ ހައިސިއްޔަތުން އަވަށްޓެރި އިންޑިޔާއަށް ކުރައްވާ ފުރަތަމަ ރަސްމީ ދަތުރުފުޅެވެ. ފޮރިންގ މިނިސްޓަރުގެ މިދަތުރުފުޅަކީ އިންޑިޔާގެ މިނިސްޓަރ އޮފް އެކްސްޓަރނަލް އެފެއަރޒް ޑރ.ޖައިޝަންކަރުއާ ބައްދަލުކުރެއްވުމަށް ކުރައްވާ ދަތުރުފުޅެކެވެ.
މިނިސްޓަރ ޚަލީލް ވިދާޅުވީ އުފެއްދުންތެރި ދެފަރާތަށް ފައިދާކުރަނިވި މަޝްވަރާތެއް ދެގައުމުގެ ގުޅުމާ ގުޅޭގޮތުން ކުރެވޭނެ ކަމަށް އުއްމީދުކުރައްވާ ކަމަށެވެ. ދެގައުމުގެ ލާބައަށް މަޝްވަރާ ކުރެވޭނެ ކަމަށް މިދިޔަ އަހަރު ސެޕްޓެމްބަރު މަހުގެ 30 ވަނަ ދުވަހު މަގާމާ ހަވާލުވެ ވަޑައިގެންނެވި ޚަލީލް ވިދާޅުވިއެވެ.
މިސަރުކާރު ވެރިކަމާ ހަވލުވިއިރު އިންޑިޔާއާ އޮތް ގުޅުން ގޯސް ނަމަވެސް, ރައީސް ޑރ.މުޙައްމަދު މުއިއްޒު އިންޑިޔާއަށް ކުރެއްވި ރަސްމީ ދަތުރުފުޅަށްފަހު ދެގައުމުގެ ގުޅުން އަންނަނީ އިހުއޮތް ގޮތަށް ބަދަހިވަމުންނެވެ.
ރިއެކްޝަންސް
