އަލިފާނުގެ ހާދިސާއާ ގުޅޭ ތަހުގީގަށް މައުލޫމާތު ހިއްސާކޮށްދޭން ފުލުހުން އެދިއްޖެ
މިދިޔަ ބުރާސްފަތި ދުވަހު ހިނގި އަލިފާނުގެ ހާދިސާގެ ތަހުގީގަށް ބޭނުންކުރެވިދާނެ އެއްވެސް މައުލޫމާތެއް އެނގޭނަމަ ހިއްސާކޮށްދޭން ދިވެހި ފުލުހުންގެ ޚިދުމަތުން އެދިއްޖެއެވެ.
ބުރާސްފަތި ދުވަހު ހެނދުނު އަލިފާން ރޯވެ, ބިމާ ހަމަވީ ގެދޮރުވެރިކަމާ ބެހޭ ވުޒާރާއާއި, އިމާރާތް ކުރުމާއި ބިނާރާ ބެހޭ ވުޒާރާއާއި, ތިމާވެއްޓާ ހަކަތައާ ބެހޭ ވުޒާރާ ހިންގަމުން އައި އިމާރާތެވެ. މީގެއިތުރުން އެތަނުގައި މާލެ ސިޓީ ކައުންސިލްގެ ސެކްޝަނެއްވެސް އައީ ހިންގަމުންނެވެ. ޓިނުން ހަދާފައިވާ އެއިމާރާތުގައި ރޯވެ އަނދާ އަޅިއަށްވި މައްސަލައިގެ ތަހުގީގު ދިވެހި ފުލުހުންގެ ޚިދުމަތުން ވަނީ ފަށާފައެވެ. އަދި އެތަހުގީގުގައި ބޭރުގެ ތަހުގީގު ޓީމެއްގެ އެހީ ހޯދާނެ ކަމަށް ފުލުހުން ވަނީ ބުނެފައެވެ.
މިއަދު ފުލުހުން އެދުނީ އެހާދިސާގެ ތަހުގީގަށް ބޭނުންކުރެވިދާނެ އެއްވެސް މައުލޫމާތެއް އިނގޭނަމަ ދިވެހި ފުލުހުންގެ ޚިދުމަތުގެ މޭޖަރ ކްރައިމް އިންވެސްޓިގޭޝަން ޑިޕާރޓްމަންޓްގެ ޑިއުޓީ ނަމްބަރު 9911099 ގުޅާ ހިއްސާކޮށްދިނުމަށެވެ.
އެއިމާރާތުގައި ހިންގި ތިން މިނިސްޓްރީގެ ޚިދުތަމް ދިނުމަސް ދަރުބާރުގޭގައި ވަގުތީ ސެޓަޕެއް ހަދާ އާދިއްތަ ދުވަހު ވަނީ ޢާއްމު ޚިދުމަތްތައް ދޭން ފަށާފައެވެ.
ރިއެކްޝަންސް
