އިހުތިޖާޖުކުރި ބިދޭސީންގެ ހައްގުތަކެއް ގެއްލިފައިވާކަމަށް ބުނާތީ ލޭބަރ ރިލޭޝަންސް އޮތޯރިޓީން އެކަން ބަލަނީ
އިހުތިޖާޖުކުރި ބިދޭސީންގެ ހައްގުތަކެއް ގެއްލިފައިވާކަމަށް ބުނާތީ ލޭބަރ ރިލޭޝަންސް އޮތޯރިޓީން އެކަން ބަލަމުން ދާކަމަށް އިމިގްރޭޝަން ކޮންޓްރޯލަރ މުޙައްމަދު ޝަމްއާން ވަހީދު ވިދާޅުވެއްޖެއެވެ.
މުލީއާގެ ސަރަހައްދުގައި އިހުތިޖާޖު ކުރަމުންދިޔަ 55 ބިދޭސީއެއް ފުލުހުން މިއަދު ވަނީ އިމިގްރޭޝަނާ ހަވާލުކޮށްފައެވެ. އެމީހުންނާ ގުޅޭގޮތުން އިމިގްރޭޝަން ކޮންޓްރޯލަރ ވިދާޅުވީ
މިއަދު މާލޭގެ ގްރީން ޒޯނުގައި މުޒާހަރާކުރި ބިދޭސީންގެ މައްސަލައާ ގުޅިގެން ބަލަންޖެހޭ ކަންކަން މިވަގުތު ބަލަމުން ދާކަމަށެވެ. އަދި މި ބިދޭސީންނާ މެދު އަޅަންޖެހޭ ފިޔަވަޅެއް އަޅާނީ މައްސަލަ އެއްކޮށް ތަހުގީގުކޮށް ނިމުމުން ކަމަށް ވިދާޅުވިއެވެ. މުޒާހަރާކުރި ބިދޭސީން ހައްގުތަކެއް ގެލިފައިވާ ކަމަށް ބުނާތީ އެކަން ބަލަން ލޭބަރ ރިލޭޝަންސް އޮތޯރިޓީންވެސް ހަރަކާތްތެރިވާ ކަމަށް ޝަމްއާން ވިދާޅުވިއެވެ.
"މި ބިދޭސީންގެ ހައްގުތަކެއް ގެއްލިފައިވާކަމަށް އެފަރާތްތަކުން ބުނަމުންދާތީ، މިވަގުތު ލޭބަރ ރިލޭޝަންސް އޮތޯރިޓީގެ ބޭފުޅުންވެސް ދަނީ އިމިގްރޭޝަންގެ ޑިޓެންޝަން ސެންޓަރުގައި ހަރަކާތްތެރިވަމުން." އިމިގްރޭޝަން ކޮންޓްރޯލަރ ވިދާޅުވިއެވެ.
ކޮންޓްރޯލަރ ވިދާޅުވީ އިމިގްރޭޝަނުން ދޫކޮށްފައިވާ ހުއްދައިގެ ދަށުން ރާއްޖޭގައި އުޅޭ އެއްވެސް ފަރާތަކަށް ދިވެހިރާއްޖޭގައި ހެދިފައިވާ ޤާނޫނާއި ޤަވާއިދުތަކާއި ޚިލާފުވާކަށް ފުރުސަތެއް ނުދެވޭނެ ކަމަށެވެ. އަދި އެފަދަ ފަރާތްތާއިމެދު އިމިގްރޭޝަން ޤާނޫނުގެ ދަށުން ޢަމަލު ކުރެވޭނެ ކަމަށް ވިދާޅުވިއެވެ.
ގްރީން ޒޯނަށް އެއްވެ މުޒާހަރާކުރީ އިންޑިޔާގެ 38 މީހުންނާއި, ބަނގްލަދޭޝްގެ 77 މީހުންނެވެ.
ރިއެކްޝަންސް
