މުސާރަ ނުދީގެން އިހުތިޖާޖު ކުރަމުންދިޔަ ބިދޭސީންތަކެއް އިމިގްރޭޝަންގެ ބެލުމުގެ ދަށަށް ގެންގޮސްފި
މުސާރަ ނުދީގެން އިހުތިޖާޖު ކުރަމުންދިޔަ ބިދޭސީންތަކެއް އިމިގްރޭޝަންގެ ބެލުމުގެ ދަށަށް ގެންގޮސްފި އެވެ. ފުލުހުން ބުނީ މުސާރަ ނުދޭކަމަށް ބުނެ ހިތްހަމަނުޖެހުން ފާޅުކުރަމުން ދިޔަ 55 ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށެވެ. އެއީ އިންޑިޔާގެ 38 މީހުންނާއި ބަނގްލަދޭޝްގެ 17 މީހުންނެވެ. ފުލުހުންގެ އެހީތެރިކަމާއެކު އެމީހުން އިމިގްރޭޝަންގެ ބެލުމުގެ ދަށަށް ގެންދާ ވީޑިއޯ ސޯޝަލް މީޑިޔާގައި ދަނީ ދައުރުވަމުންނެވެ.
އެމީހުން ހިތްހަމަނުޖެހުން ފާޅުކުރަމުން ދިޔައީ މުލީއާގެއާ ހިސާބުގައެވެ އެއީ ކޮންތަނެއްގައި މަސައްކަތްކުރާ ބައެއްކަން ސާފެއް ނޫނެވެ. ނަމަވެސް ބިދޭސީންނަށް މުސާރަ ނުދޭ މައްސަލަ އަކީ އަބަދުވެސް ބޮޑު މައްސަލައެކެވެ.
ރިއެކްޝަންސް
