ކެފޭއެއްގައި އިންދާ ވެއްޓުނު މީހަކަށް ފަރުވާދެމުން ދަނިކޮށް މަރުވެއްޖެ
ކެފޭއެއްގައި އިންދާ ވެއްޓުނު މީހަކަށް ފަރުވާދެމުން ދަނިކޮށް މަރުވެއްޖެއެވެ. މަރުވީ ސ.ހިތަދޫ ސޯސަންގެ 53 އަހަރުގެ އަހުމަދު ޝަރީފްއެވެ. އޭނާ ވެއްޓުނީ މެޔަށް ތަދެއް އަރައިގެން ކަމަށް ފުލުހުން ބުންޏެވެ.
ފުލުހުން ބުނީ ހެނދުނު 8:56 ހާއިރު އާޓިފިޝަލް ބީޗް ތެރޭގައި ހުރި ކެފޭއެއްގައި އިންދާ ވެއްޓުނު މީހަކަށް ފުލުހުން އެޓެންޑްވި ކަމަށެވެ. ފަރުވާ ދިނުމަށް ގެންދިޔައީ އޭޑީކޭ ހޮސްޕިޓަލަށެވެ. މަރުވީ ފަރުވާދެމުން ދަނިކޮށް 10:03 ގައި ކަމަށް ހޮސްޕިޓަލާ ހަވާލާދީ ފުލުހުން ބުންޏެވެ.
ފުލުހުން ބުނީ ހާދިސާއާ ގުޅިގެން ބަލަން ޖެހޭ ކަންކަން ބަލަމުންދާ ކަމަށެވެ. އިއްޔެ ވަނީ ދަރުމަވަންތަ ހޮސްޕިޓަލާ ދިމާލުން ތޮށިގަނޑު ބޭރުން މޫދުން ޒަޚަމްތަކަކާއެކު ފެނުނު މީހަކުވެސް ހޮސްޕިޓަލްގައި ފަރުވާދެމުން ދަނިކޮށް ނިޔާވެފައެވެ.
ރިއެކްޝަންސް
