ޕީއެންސީގެ އެތެރޭގެ އިންތިޚާބުގެ ވޯޓްލުން ފަށައިފި
އިންތިޚާބުގައި 1984 މަޤާމަށް މީހުން އިންތިޚާބު ކުރާނެއެވެ. އެމަގާމްތަކަށް 648 ކެންޑިޑޭޓުން ވާދަކުރެއެވެ. އަދި 1300 މަގާމް އެންމެ ކެންޑިޑޭޓަކު ކުރިމަތިލުމުން އިންތީޚާބު ބާއްވަން ނުޖެހެއެވެ. އިންތިޚާބުގައި ވޯޓް ލުމުގެ ހައްގު 33500 މެމްބަރުންނަށް ލިބޭ ކަމަށް ޕީއެންސީން ބުންޏެވެ.
އިންތިޚާބުގައި ވޯޓްލުން މާލެގެ އިތުރުން 88 ރަށެއްގައި ކުރިއަށްދާކަމަށް ޕީއެންސީން ބުންޏެވެ. އިންތިޚާބުގައި ވޯޓްލުމަށް މާލޭގައި 56 ވޯޓް ފޮށި ވަނީ ބަހައްޓާފައެވެ. މާލޭގައި ވޯޓްފޮށިތައް ބަހައްޓާފައި ވަނީ ދަރުބާރުގޭގައެވެ. އަތޮޅުތެރޭގައި ބެހެއްޓި ފޮށިތަކާއެކު ޖުމްލަ 144 ވޯޓް ފޮށި ވަނީ ބަހައްޓާފައެވެ.
ޕީއެންސީގެ އެތެރޭގެ އިންތިޚާބުގައި ދާއިރާތަކުގެ ރައީސުންނާއި, ނައިބުރައީސުންނާއި, ޒުވާނުންގެ ރައީސުންނާއި, އަންހެނުންގެ ރައީސުން އިންތިޚާބު ކުރެއެވެ. އަދި ދާއިރާތަކުގެ ސްޓިއަރިންގ ކޮމިޓީއަށްވެސް މެމްބަރުން އިންތިޚާބު ކުރެއެވެ. މީގެތެރެއިން ދާއިރާ ރައީސުން އިންތިޚާބު ކުރަނީ ރައްޔިތުންގެ މަޖިލިހުގައި ޕީއެންސީގެ މެމްބަރުން ނެތް ދާއިރާތަކުންނެވެ. އެޕާޓީގެ މަޖިލިސް މެމްބަރުން ތިބި ދާއިރާތަކުގެ ރައީސުންނަކީ އެމެމްބަރުންނެވެ.
ޕީއެންސީން ބުނީ މިއީ ރާއްޖޭގެ ސިޔާސީ ޕާޓީއަކުން ބާއްވާ އެތެރޭގެ އެންމެ ބޮޑު އިންތިޚާބު ކަމަށެވެ.
ރިއެކްޝަންސް
