އިންޑިޔާގެ އެކްސްޓަރނަލް އެފެއަރޒް މިނިސްޓަރ ޖައިޝަންކަރާ ރައީސް ބައްދަލުކުރައްވައިފި
އިންޑިޔާއަށް މިއަދު ފެއްޓެވި ރަސްމީ ދަތުރުފުޅުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު އެގައުމުގެ އެކްސްޓަރނަލް އެފެއަރޒް މިނިސްޓަރ ޑރ.ޝުބަރަމާނިއަން ޖައިޝަންކަރާ ބައްދަލުކުރައްވައިފި އެވެ.
އެބައްދަލުކުރެއްވުމުގެ ފޮޓޯ ހިއްސާކުރައްވާ ޖައިޝަންކަރު ވިދާޅުވީ މާދަމާ އިންޑިޔާގެ ބޮޑުވަޒީރު ނަރެންދުރަ މޯދީއާ ރައީސް މުއިއްޒު ބައްދަލުކުރެއްވުމުން ދެގައުމުގެ ގުޅުން އިތުރަށް ބަދަހިވެގެންދާނެ ކަމަށެވެ. ރައީސް މުއިއްޒ އިންޑިޔާ ރާއްޖެ ގުޅުމަށް ދެއްވާ އަހަމިއްޔަތުވެސް ޖައިޝަންކަރު ފާހަގަކުރެއްވިއެވެ.
ރައީސުލްޖުމްހޫރިއްޔާގެ އޮފީހުން ވިދާޅުވީ އެބައްދަލުކުރެއްވުމުގައި ދެގައުމުގެ ގުޅުމާ ގުޅޭ ގޮތުންނާއި, ގުޅުން އިތުރަށް ބަދަހިކުރުމާ ގުޅޭގޮތުން މަޝްވަރާ ކުރެއްވި ކަމަށެވެ. ދެގައުމުގެ މަސްލަހަތު ހިމެނޭ ކަންކަމުގައި މަޝްވަރާ ކުރެއްވި ކަމަށްވެސް ރައީސް އޮފީހުން ވިދާޅުވިއެވެ.
https://x.com/drsjaishankar/status/1842914260860760303?s=52&t=k1jiXxEjTMuVybCdyt1Epw
މިއީ ރައީސް ޑރ.މުހައްމަދު މުއިއްޒު އިންޑިޔާގެ އެކްސްޓަރނަލް އެފެއަރޒް މިނިސްޓަރ ޖައިޝަންކަރާ ބައްދަލުކުރެއްވި ތިންވަނަ ފަހަރެވެ. ފުރަތަމަ ބައްދަލުކުރެއްވީ އިންޑިޔާގެ ބޮޑުވަޒީރުކަމުގެ އާ ދައުރަކަށް މޯދީ ހުވާކުރެއްވުމުގެ ރަސްމިއްޔާތުގައި ބައިވެރިވެވަޑައިގަތުމަށް އިންޑިޔާއަށް ކުރެއްވި ދަތުރުފުޅުގައެވެ. ސް ރައީސް މުއިއްޒު ބައްދަލުކުރެއްވިއެވެ.
ރައީސް ޑރ.މުއިއްޒު އިންޑިޔާއަށް ކުރައްވާ ދަތުރުފުޅުގައި ދިވެހި ސަރުކާރުގެ 50 ބޭފުޅުން ހިމެނިވަޑައިގަންނަވާ ވަފްދެއް ބައިވެރިވެވަޑައިގަންނަވައެވެ. ރައީސްއާއި ވަފްދުގެ ބޭފުޅުން އިންޑިޔާއަށް ވަޑައިގެންނެވި އިންޑިޔާގެ މިލިޓަރި ބޯޓެއްގައެވެ.
ރިއެކްޝަންސް
