ޔުމްނު މައްސަލައިގެ ކޮމިޝަންގެ ރިޕޯރޓް ރައީސްއަށް، ރައީސް އެންގެވީ ރިޕޯރޓް ޢާއްމުކުރެއްވުމަށް!
ޔުމްނު މައްސަލައިގައި ރިޔާސީ ކޮމިޝަންގެ ތަހުގީގު ނިންމާ ރިޕޯރޓް ރައީސުލްޖުމްހޫރިއްޔާ ޑރ.މުހައްމަދު މުއިއްޒު އަށް އަރުވައިފިއެވެ.
ރިޕޯރޓް ނިންމާ ރައީސްއަށް އެރުވިކަން ފިޔަވާ ކޮމިޝަނުން އިތުރު އެއްޗެއް ނުބުނެއެވެ. ރައީސް ޑރ.މުއިއްޒު ވަނީ ރިޕޯރޓް ލޮބިވަޑައިގެންނެވިކަން ކަށަވަރުކޮށްދެއްވާފައެވެ. އަދި އެރިޕޯރޓް އުނިއިތުރެއް ނެތި ޝާއިއު ކުރެއްވުމަށް ރައީސް ވަނީ އިރުޝާދުދެއްވާފައެވެ.
އޭޕްރީލް މަހު 18 ވަނަ ދުވަހު ހައްވާ ޔުމްނު ރަޝީދު ވެއްޓުނު މައްސަލައިގެ ތަހުގީގަށް ރައީސުލްޖުމްހޫރިއްޔާ ރިޔާސީ ކޮމިޝަނެއް އުފެއްދެވީ އެމަހުގެ 26 ވަނަ ދުވަހުއެވެ. އެއީ ފުލުހުންގެ ތަހުގީގާމެދު ޒުވާނުންނާއި ޢާއްމުންވެސް ސުވާލު އުފައްދާ ޑިމާންޑްތަކެއްވެސް ކުރަމުން ދިއުމާއެކު ނުފޫޒުން އެއްކިބާވެފައިވާ ތަހުގީގެއްގެ ކަށަވަރުކަން ހޯދައިދިނުމަށެވެ.
ރިޔާސީ މޮމިޝަނުން މައްސަލަ ތަހުގީގު ކުރި ނަމަވެސް ފުލުހުންވެސް މައްސަލަ ތަަހުގީގު ކުރެއެވެ. ނަމަވެސް ފުލުހުންގެ ތަހުގީގަށްވެސް ޔުމްނުގެ ބަޔާނެއް އަދިވެސް ނުލިބެއެވެ.
ރިއެކްޝަންސް
