ރައީސް ވޯޓު ލައްވައިފި
ބައި-އިލެކްޝަންގައި ރައިސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވޯޓު ލައްވައިފި
މިހާރު ކުރިއަށްދާ ބައި-އިލެކްޝަންގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވޯޓު ލައްވައިފިއެވެ.
ޗައިނާ ދަތުރުފުޅު ނިންމަވާ ރާއްޖެ ވަޑައިގެންނެވުމަށްފަހު، ސޯޝަލް ސެންޓަރުގައި ބަހައްޓާފައިވާ މާފަންނު ދެކުނު ދާއިރާގެ ވޯޓުފޮއްޓައް ވޯޓު ލައްވައިފިއެވެ.
ވޯޓު ލެއްވުމަށްފަހު މީޑިއާތަކާ ވާހަކަފުޅު ދައްކަވަމުން ރައީސުލްޖުމްހޫރިއްޔާ ވަނީ ފަހުވަގުތަށް މަޑުނުކޮށް ވީހާވެސް އަވަހަށް ވޯޓުލުމުގެ ހައްޤު އަދާކުރެއްވުމަށް އިލްތިމާސްކުރައްވާފައެވެ.
މި އިންތިޚާބުގެ ވޯޓުލުން ކުރިއަށްދާނީ ހަވީރު 17:00 އާ ހަމައަށެވެ. އެ ވަގުތު އިތުރު ނުކުރާނެ ކަމަށް އިލެކްޝަންސް ކޮމިޝަނުން ވަނީ ވިދާޅުވެފައެވެ.
އީސީގެ ތަފާސްހިސާބުތައް ދައްކާގޮތުގައި މިހާތަނަށް ވޯޓުލާފައިވަނީ ވޯޓުލުމުގެ ޙައްގު ލިބޭ މީހުންގެ 21.78 އިންސައްތަ މީހުންނެވެ.
ރިއެކްޝަންސް
