އޭއެފްސީ މުބާރާތުގައި ފުރަތަމަ މެޗުން މާޒިޔާ ބަލި
އޭއެފްސީން މިއަހަރު އަލަށްފެށި ތިންވަނަ ފަންތީގެ ކްލަބް މުބާރާތުގައި ރާއްޖޭގެ މާޒިޔާ ކުޅުނު ފުރަތަމަ މެޗުން ބަލިވެއްޖެ އެވެ. ފުރަތަމަ މެޗުގައި މާޒިޔާ ބަލިވީ ތުރުކެމްނިސްތާނުގެ ޗެމްޕިއަން އަރްކަޑަގްއާ ވާދަކޮށް 2-1 ނެވެ.
މެޗުން މާޒިޔާ ބަލިވީ ފުރަތަމަ ލަނޑު ޖަހާ ކުރި ހޯދާފައި ވަނިކޮށެވެ. ފުރަތަމަ ހާފްގެ ފަހު މިނިޓްގައި ފަލަސްޠީނުގެ މިޑްފީލްޑަރ ޖޮނަތަން ޖެހި ލަނޑު ހާފް ނިމުނީ މާޒިޔާ ކުރީގައި އޮވެގެންނެވެ. އެކަމަކު ދެވަނަ ހާފްގައި އަރްކަޑަގް އިން ވަނީ ދެ ލަނޑު ޖަހާ މާޒިޔާ ބަލިކޮށްފައެވެ. އެމީހުން ނަތީޖާ ހަމަހަމަ ކުރީ
މާޒިޔާ ހިމެނޭ ގްރޫޕް ބީގެ މެޗުތައް ކުޅެނީ ކުވެއިތު ސިޓީގައެވެ. މިގްރޫޕްގައި ދެން ހިމެނެނީ ކިރްގިސްތާނުގެ ޗެމްޕިއަން އަބްދީޝް އާޓާ އާއި ކުވެއިތުގެ އަލް އަރާބިއާ އެވެ. މާޒިޔާގެ ދެވަނަ މެޗުގައި އަންގާރަ ދުވަހު ވާދަކުރާނީ ކުވެއިތުގެ އަލް އަރާބީއާ އެވެ.
އަބްދީޝް އާޓާ ވަނީ ފުރަތަމަ މެޗުގައި 1-0 ން އަލް އަރާބިއާ ބަލިކޮށްފައެވެ. ވެސްޓް ޒޯންގެ ތިން ގްރޫޕުންވެސް އެއްވަނަ ޓީމަށް ކްއާޓާ ފައިނަލްގެ ޖާގަ ލިބޭނެއެވެ. މީގެއިތުރުން ދެވަނައަށްދާ ތިން ޓީމްގެ ތެރެއިން އެންމެ ރަނގަޅު ޓީމަށް ފުރުޞަތު ލިބޭނެއެވެ.
ރިއެކްޝަންސް
