ދުނިޔެއަށް އަންނަ ބަދަލުތަކަށް ދަރީން ހޭލުންތެރިކުރަން ޖެހޭ- ރައީސް މުއިއްޒު
ދުނިޔެއަށް އަންނަ ބަދަލުތަކަށް ދަރީން ހޭލުންތެރިކުރަން ޖެހޭ ކަމަށް ރައީސުލްޖުމްހޫރިއްޔާ ޑރ.މުޙައްމަދު މުއިއްޒު ވިދާޅުވެއްޖެއެވެ. އެމަނިކުފާނު މިފަދައިން ވިދާޅުވީ މިއަދު ފާހަގަކުރަމުންދާ ބައިނަލްއަޤްވާމީ ކުޑަކުދީންގެ ދުވަހުގެ ތަހުނިޔާ ދެއްނެވުމަށް ހިއްސާކުރެއްވި ޕޯސްޓެއްގައެވެ.
ރައީސުލްޖުމްހޫރިއްޔާ ވިދާޅުވީ ދުނިޔެއަށް އަންނަމުންދާ ހަލުވި ކުރިއެރުމާއި ބޮޑެތި ބަދަލުތަކަށް ދަރީން ހޭލުންތެރި ކުރަން ޖެހޭ ކަމަށެވެ. މާދަމާ ދިވެހި ޤައުމީ ނަވައިގެން ނިޔާމަ ދަތުރެއް ކުރެވޭނެ ޤާބިލްކަމާއި ހިތްވަރު އެކުދިންނަށް ލިބޭނީ މިއަދު އަޅުގަނޑުމެން އެކަމަށް މަސައްކަތް ކޮށްދީގެން ކަމަށް އެމަނިކުފާނު ވިދާޅުވިއެވެ.
" ދިވެހި ލޮބުވެތި ކުޑަކުދިންނާއި، އެކުދިންގެ ޢާއިލާތަކަށް ކުޑަކުދީންގެ ދުވަހުގެ ތަހުނިޔާއާއި ހެޔޮ އެދުންތައް އަރިސްކުރަން!" ދުވަހުގެ ތަހުނިޔާ ފޮނުއްވަމުން ރައީސް ވިދާޅުވިއެވެ.
ކުޑަކުދިންގެ ދުވަސް ގައުމީ ފެންވަރެއްގައި ފާހަގަކުރަން ސަރުކާރުން ވަނީ ނިންމަވާފައެވެ. އަދި މިއަދު ރާއްޖޭގެ އެކިކަންކޮޅުތަކުގައި ކުޑަކުދީންގެ ދުވަސް ދަނީ ފާހަގަކުރަމުންނެވެ.
ރިއެކްޝަންސް
