ސަރުކާރުގެ ޓެކްސީ ލައިންގެ ޚިދުމަތް ފިތުރު ޢީދު ދުވަހު ފެށުމަށް ތައްޔާރުވަނީ
ސަރުކާރުން އަލަށް ފެށުމަށް ނިންމާފައިވާ ޓެކްސީ ލައިންގެ ޚިދުމަތް ކުރިއަށް އޮތް ފިތުރު ޢީދު ދުވަހު ފެށުމަށް މަސައްކަތް ކުރަމުންދާ ކަމަށް މިނިސްޓަރ އޮފް ޓްރާންސްޕޯޓް އެންޑް ސިވިލް އޭވިއޭޝަން މުޙައްމަދު އަމީން މިއަދު އިޢުލާނު ކުރައްވައިފިއެވެ.
މިނިސްޓްރީގެ މަސައްކަތްތަކާ ގުޅޭ ތަފްސީލު ހިއްސާކުރުމަށް މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން މިނިސްޓަރު އަމީން ވިދާޅުވީ، ޓެކްސީ ލައިންގެ ޚިދުމަތް ފެށުން ކުރިން ރޭވި ތާރީޚަށްވުރެ ލަސްވެގެން ދިޔައީ ޓެކްސީތަކަށް ގެންނަންޖެހޭ ބައެއް ބަދަލުތަކެއް ހުރުމުގެ ސަބަބުން ކަމަށެވެ.
މި ޚިދުމަތުގައި ބޭނުންކުރުމަށް ހަމަޖެހިފައިވަނީ ތިން މޮޑެލެއްގެ ކާރުތަކެކެވެ. އޭގެ ތެރެއިން އެއް މޮޑެލްގެ ކާރުތައް ތައިލެންޑުން ގެންނައިރު، އަނެއް ދެ މޮޑެލްގެ ކާރުތައް ގެންނަނީ ޗައިނާއިންނެވެ. މިނިސްޓަރު ވިދާޅުވި ގޮތުގައި މި ކާރުތައް ރާއްޖެއަށް ގެނައުމަށް ހަމަޖެހިފައިވަނީ ދެ ބެޗަކަށް ބަހާލައިގެންނެވެ.
"ފުރަތަމަ ބެޗުގެ ކާރުތައް މިއަދު ލަންކާ ޕޯޓަށް ވަންނާނެ ކަމަށް ވަނީ މައުލޫމާތު ލިބިފައި. އެމްޓީސީސީން މައުލޫމާތު ދޭ ގޮތުގައި މި ކާރުތައް މި މަހުގެ 11 ވަނަ ދުވަހު ރާއްޖެ ގެނެވޭނެ،" މިނިސްޓަރު ވިދާޅުވިއެވެ.Advertisement
Advertisement
މީގެ އިތުރުން، ދެވަނަ ބެޗުގެ ކާރުތައް ރާއްޖެއަށް ގެނެވޭނެ ސީދާ ތާރީޚެއް އަންނަ ހުކުރު ދުވަހު ޔަޤީންކުރެވޭނެ ކަމަށްވެސް މިނިސްޓަރު ފާހަގަކުރެއްވިއެވެ. މިނިސްޓަރު އަމީން އިތުރަށް ވިދާޅުވީ، މި މަހުގެ 18 ވަނަ ދުވަހު މި ޚިދުމަތް ރަސްމީކޮށް އިފްތިތާހުކޮށް، "ލިމިޓެޑް" ނުވަތަ ވަކި މިންވަރެއްގެ ޚިދުމަތްތަކެއް ދޭން ފެށުމަށް މިހާރު ތައްޔާރުވަމުންދާ ކަމަށެވެ. މިއީ މާލެ ސަރަހައްދުގެ ދަތުރުފަތުރުގެ ނިޒާމު ހަރުދަނާކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ކުރިއަށްގެންދާ މުހިންމު މަޝްރޫޢެކެވެ.
ރިއެކްޝަންސް
