ސްކޭމް މައްސަލައެއްގެ ތަހުގީގަށް ހާޒިރުވުމަށް ހިރިލަންދޫ މީހަކު ހޯދަނީ
ދިވެހި ފުލުހުންގެ ޚިދުމަތުގެ އެންޓި ސްކޭމް ސެންޓަރުން ތަހުގީގު ކުރަމުންދާ މައްސަލައަކާ ގުޅިގެން، ސުވާލުކުރުމަށް މީހަކު ހާޒިރުކުރަން ބޭނުންވެ، އުޅޭ ވަކިތަނެއް ނޭނގުމުގެ ސަބަބުން އާންމުކޮށް އިއުލާނުކޮށް އޭނާ ހޯދަން ފަށައިފިއެވެ.
ފުލުހުން ބުނި ގޮތުގައި މި މައްސަލައިގެ ތަހުގީގަށް ހާޒިރުވުމަށް އަންގާފައިވަނީ ތ. ހިރިލަންދޫ، ނާގަލި، ޢާއިޝަތު ނާޛިރާ (41އ) އަށެވެ. އޭނާ ހޯދަމުންދަނީ ޖިނާއީ މައްސަލައެއްގެ ތަހުގީގުގައި ތުހުމަތުކުރެވޭ ފަރާތެއްގެ ހައިސިއްޔަތުން ސުވާލުކުރުމަށެވެ.
މި މީހާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމުގެ ޗިޓު ރައްދުކުރެވިފައި ނުވާތީ، ފުލުހުން މި އިއުލާނު ނެރެފައިވަނީ ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގެ ދަށުންނެވެ.
އިއުލާނުގައިވާ ގޮތުން ޢާއިޝަތު ނާޛިރާ ހާޒިރުވާންޖެހެނީ ސާޖަންޓް އާދަމް ޙަލީމް ކުރިމިނަލް އިންވެސްޓިގޭޝަން ބިލްޑިންގަށެވެ. އޭނާ ހާޒިރުވުމަށް އަންގާފައިވަނީ 2026 މާރިޗު 10 ވަނަ ދުވަހުގެ 14:00 އަށެވެ. ސްކޭމްގެ މައްސަލަތައް ރާއްޖޭގައި އިތުރުވަމުންދާތީ، އެފަދަ މައްސަލަތައް ތަހުގީގުކޮށް ފިޔަވަޅު އެޅުމަށް ފުލުހުން ދަނީ ހާއްސަ މަސައްކަތްތަކެއް ކުރަމުންނެވެ.
ރިއެކްޝަންސް
