ހުޅުމާލެ ފޭސް ދޭއްގައި އިތުރު ދެ މިސްކިތެއް އަޅަން ބިން ދީފި
ހުޅުމާލެ ފޭސް ދޭއްގައި އިތުރު ދެ މިސްކިތެއް އަޅަން ބިން ދީފިއެވެ. މިއަދު ހައުސިންގ ޑިވެލޮޕްމެންޓް ކޯޕަރޭޝަން، (އެޗް.ޑީ.ސީ) އާއި އިސްލާމީކަންތައްތަކާ ބެހޭ ވުޒާރާއާއި ދެމެދު މިކަމުގެ އެއްބަސްވުމުގައި ވަނީ ސޮއިކޮށްފައެވެ. މި އެއްބަސްވުމުގައި އެޗްޑީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ ބްރިގޭޑިއާ ޖެނެރަލް (ރިޓަޔަރޑް) އަލީ ޒުހައިރުއެވެ. އަދި ވުޒާރާގެ ފަރާތުން ސޮއިކުރެއްވީ ވަޒީރު ޑރ. މުޙައްމަދު ޝަހީމް އަލީ ސަޢީދުއެވެ.
ހުޅުމާލެއިން ދެ ބިން ދޫކުރީ 3000 މީހުންގެ ޖާގައިގެ ދެ މިސްކިތް އެޅުމަށެވެ. ބިން ދޫކުރީ ހުޅުމާލެ ލޮޓް ނަމްބަރު 22221 އާއި ލޮޓް ނަމްބަރު 22242 އިންނެވެ. މި ދެމިސްކިތަކީވެސް 2000-3000 މީހުންގެ ޖާގައިގެ ދެ މިސްކިތެވެ.
އިސްލާމީކަންތައްތަކާ ބެހޭ ވުޒާރާގެ ބެލުމުގެ ދަށުން މާލެ ސަރަހައްދުގައި ގިނަ މިސްކިތްތަކެއްގެ މަސައްކަތް މިހާރުވެސް ކުރިއަށްދެއެވެ.
ރިއެކްޝަންސް
