ޕާކިސްތާނަށް ކުރަމުންދާ ދިގުލީ ވިއްސާރައިގައި ބައި މިލިއަން މީހުންގެ ގެދޮރު ގެއްލި ހާލުގައި ޖެހިއްޖެ
ފެންބޮޑުވެފައިވާ ޕާކިސްތާނުގެ ފެންގަނޑު ތެރޭގައި ކުޑަދެކުދިން. ފޮޓޯ: އޭބީސީ ވިއުސް

ޕާކިސްތާނަށް ކުރަމުންދާ ދިގުލީ ވިއްސާރައިގައި ބައި މިލިއަން މީހުންގެ ގެދޮރު ގެއްލި ހާލުގައި ޖެހިއްޖެ

ޖޫން ފަހު ކޮޅުން ފެށިގެން ކުރަމުން އަންނަ ވިއްސާރައިގައި މިހާތަނަށް 835 މީހަކު ވަނީ މަރުވެފައި

10 hours ago - 20:45
Aug 30, 2025 - 20:47

ޕާކިސްތާނަށް ކުރަމުން އަންނަ ދިގުލީ މޫސުމީ ވިއްސާރައިގައި އިރުމަތީ ޕާކިސްތާނުގެ ބައި މިލިއަނެއްހާ މީހުންގެ ގެދޮރު ގެއްލި ހާލުގައި ޖެހިފައިވާކަމަށް ޕާކިސްތާނުގެ އޮފިޝަލުން ބުނެފިއެވެ.ގިނަ ދުވަސްތަކެއް ވަންދެން ބޯކޮށް ވާރޭވެހި ޕަންޖާބު ޕްރޮވިންސްގެ އެންމެ ބޮޑު ތިން ކޯރުވެސް ވަނީ އެއްފަހަރާ ފުރިގެން ބަންޑުންވެފައި ކަމުގައި އޮފިޝަލުންނާ ހަވާލާދީ އަލްޖަޒީރާ އިން ބުނެފައި ވެއެވެ.

ޕަންޖާބުގެ ޑިސާސްޓަރ މެނޭޖްމަންޓް އޮތޯރިޓީން ބުދަ ދުވަހު ނެރުނު ބަޔާނެއްގައި ވަނީ ޖޫން މަހުގެ 26 ވަނަ ދުވަހުން ފެށިގެން ޕާކިސްތާނަށް ކުރަމުންދާ ވިއްސާރައިގައި މިހާތަނަށް އެޤައުމުން 835 މީހަކު މަރުވެފައިވާކަން ކަަށަވަރުކޮށްދީފައެވެ. އޭގެ ތެރެއިން 195 މީހުން މަރުވެފައިވަނީ ޕަންޖާބު ޕްރޮވިންސް އިންނެވެ.

ޕަންޖާބާއި އިންޑިއާ ގުޅޭ ސަރަހައްދުގައި އޮންނަ ބޮޑު ކޯރެއް އާދަޔާ ހިލާފަށް ފުރި އެސަރަހައްދުގެ 2300 އަވަށަކަށް އެކަމުގެ އަސަރު ވަރަށް ބޮޑަށް ކޮށްފައިވާ ކަމަށްވސް ބަޔާނުގައި ވަނީ ބުނެފައެވެ. ޕާކިސްތާނުގެ ނޫސްތައް ބުނާގޮތުން އެންމެ ބޮޑު ތިންކޯރު އެއްފަރާ ފުރިގެން ބަންޑުން ވުމަކީ އެގައުމުގެ ތާރީހްގައިވެސް ހިނގި އެބާވަތުގެ ފުރަތަމަ ހާދިސާއެވެ. 

ޕަންޖާބު ޕްރޮވިންސްގެ އިސްވެރިޔާ ނަބީލް ޖާވެދް އަލް ޖަޒީރާއަށް ބުނެފައިވާ ގޮތުގައި ވިއްސާރައިގައި ފެންބޮޑުވެ ގެދޮރު ގެެއްލިފައިވާ މީހުންގެ އަދަދު މިހާރު ވަނީ 481,000 އަށް އަރާފައެވެ. ހާލުގައި ޖެހިފައިވާ ފަރާތްތަކާއި ދިރޭތަކެތި ހިމެނޭހެން 405,000 ފަރާތް ރައްކާތެރި ހިސާބުތަކަށް ބަދަލުކުރެވިފައިވާކަމަށްވެސް ޖާވެދް ވަނީ ވިދާޅުވެފައެވެ.

Advertisement
Advertisement

ވިއްސާރައިގައި އެތައް ބައެއްގެ ގެދޮރު ގެއްލި ހާލުގައި ޖެހިފައިވާއިރު, އަންދާޒާ ކުރެވޭ ގޮތުގައި ވިއްސާރައިގެ ސަބަބުން 1.5 މިލިއަން މީހުންނަށް ވަނީ އޭގެ އަސަރުކޮށްފައެވެ. 

ރިއެކްޝަންސް

like

dislike

love

funny

angry

sad

wow