އަހަރެއްގައި އަންނަ ދުވާލުގެ އެންމެ މާތް ވަގުތުތައް އަހަރެމެންނާ ބައްދަލުކޮށްފި, ބައްދަލުވުމަށް މަރުހަބާ ކިޔާނީ ކިހިނެތް!
އިމާމް ބުޚާރީ ރިވާކުރެއްވި ހަދީޘެއްގެ މާނައިގައި ވެއެވެ. ދުވާލުގެ ވަގުތުތަކުގެ ހެޔޮކަން ޛުލްހިއްޖާމަހުގެ ފުރަތަމަ 10 ދުވަހަށްވުރެ ހެޔޮކަންބޮޑު އެހެން ދުވަސްތަކެއް އަހަރުގެ ތެރޭގައި ނުވެއެވެ. (ސަޙީހް ބުޚާރީ, 969)
ސަޙީހް މުސްނަދް އަޙްމަދު ރިވާކުރެއްވި އިތުރު ޙަދީޠެއްގައި ވެއެވެ. " ކީރިތި ރަސޫލާ މުޙައްމަދު (ސައްލަالله ޢަަލައިހި ވަސައްލަމަ ހަދީޘް ކުރެއްވިއެވެ. މާތް الله ގެ ހަޟްރަތުގައި ޛުލްހިއްޖާ މަހުގެ ފުރަތަމަ 10 ދުވަހަށްވުރެ ލޯބިވެތިކަން ބޮޑު އެހެން ދުވަސްތަކެއް ދުވާލުގެ ވަގުތުގައި ނުވެއެވެ. އެދުވަސްތަކުގައި މާތް الله ގެ އެއްކައުވަންތަކަމާއި މެދު ހިޔާލުކޮށް އެކަލާންގެ އަށް ޛިކުރު ކުރުމުގައި ދެމިހުންނާށެވެ. (އިމާމް މުސްނަދު, 5446)
ޛުލްހިއްޖާ މަހުގެ ފުރަތަމަ 10 ދުވަސް މާތްވަނީ ހަމައެކަނި ހައްޖުގެ އަޅުކަމުގައި މާތްވެގެންވާ މައްކާގެ ބިމުގައި މިވަގުތު ތިބި ފަރާތްތަކަކަށް ނޫނެވެ. ކޮންމެ ތަނެއްގަިއ ހުރިނަމަވެސް މި މާތް މައްސަރުގެ ފުރަތަމަ 10 ދުވަހުގެ މާތްކަން ލިބިގަތުމުގެ ފުރުޞަތު އަހަރެމެން ހަމަ ކޮންމެ މީހަކަށްވެސް ވަނީ ތަންމިނަށް ފަހިވެފައެވެ.
މި މާތްކަން ޙާސިލްކުރަން އަހަރެމެން ކުރަންވީ ކޮން ކަމެއް!
- މާތް الله އަށް ޛިކުރު ކުރުމުގައި ދެމިހުންނާށެވެ. الله އަކްބަރު, އަލްޙަމްދު ލިالله އަދި ލާއިލާހައިالله މި ތިން ލަފުޘްވެސް ފުދޭނެއެވެ.
- ޞަދަޤާތުގެ ގޮތުގައި ކޮންމެވެސް އެއްޗެއް ހޭދަކުރާށެވެ. ކިތަންމެ ކުޑަ މިންވަރެއް ނަމަވެސް އެންމެ ރަނގަޅެވެ.
- ރޯދަ ހިފާށެވެ. ވަކިން ޙާއްސަކޮށް ޢަރަފާތު ދުވަހުއެވެ.
- ނަމާދު އޭގެ ވަގުތުގައި ޤާއިމްކުރާށެވެ. ފަރުޟު ފަސް ނަމާދުގެ އިތުރުންވެސް މެއެވެ.
- ކީރިތި ޤުރުޢާން ކިޔެވުން އިތުރުކުރާށެވެ.
- މުންކަރާތްތަކާ ދުރުވާށެވެ.
- ގިނަގިނައިން ދުޢާކުރާށެވެ.ތިބާގެ މުޞްތަޤުބަލަށްޓަކައެވެ. މިދުވަސްތަކަކީ الله ޞުބްހާނަހޫ ވަތަޢާލާގެ ފަރާތުން ލިބޭ ހަދިޔާއެކެވެ
މި ދުވަސްތަކުގެ މާތްކަން އެންމެ ފުރިހަމަ ގޮތުގައި ލިބގަތުމަށްޓަކައި އެކަލާންގެ އަށް ކުށްތަންވެ ހާލިސް ހިތަކާއެކު އެކަލާންގެ ހަނދުމަކުރުމުގައި ދެމިހުރުމުން ތިބާގެ ހިތަށް މަޑުމޮޅިކަން ވަންނާނެކަން ކަށަވަރެވެ. ކީރިތި ޤުރުއާންގެ މޫރިތި އާޔަތްތަކަކީ ތިބާގެ ކަޅުވެފައިވާ ހިތަށް ލިބިދޭ ނޫރެއްކަމުގައި ހަދާށެވެ. ހަމަކަށަވަރުން އެ ޤުރުއާން އަކީ ޝިފާއެކެވެ.
ކޮންމެ ރޯދައެއް, ކޮންމެ ނަމާދެއް, އަދި އެކަލާންގެ ހަނދުމަކުރުމުގައި ހޭދަކުރާ ހަމަ ކޮންމެ ސިކުންތަކީވެސް މި މާތް 10 ދުވަހުގެ ސަވާބު އެތައް ގުނައަކަށް އިތުރުވެގެން ދާނެ ޢަމަލެކެވެ, ޙާއްސަކޮށް ޢަފަރާތު ދުވަހުގެ ރޯދައެވެ.
އިމާމް މުސްލިމް ރިވާކުރައްވާފައިވާ ހަދީސެއްގެ މާނައިގައި ވެއެވެ. "ޢަރަފާތް ދުވަހުގެ ރޯދަ ހިފުމަށް މާތް ނަބިއްޔާ މުޙައްމަދު (ސައްލައްالله ޢަލައިހި ވަސައްލަަމަ) ބާރުއަޅުއްވާ ވިދާޅުވިއެވެ. ޢަރަފާތް ދުވަހުފެ ރޯދައަކީ ފާއިތުވެ ދިޔަ އަަހަރާއި ކުރިއަށް އޮތް އަހަރުގެ ފާފަތައް ފުހެލުމަށް ލިބޭ ފުރުޞަތެކެވެ". (އިމާމް މުސްލިމް, 1162)
ރިއެކްޝަންސް
