ހައްޖުވެރިންގެ ޑެބިޓް ކާޑް ލިމިޓް 1750 ޑޮލަރަށް އިތުރުކުރަނީ
މިއަހަރު ރާއްޖެއިން ހައްޖަށްދާ ހައްޖުވެރިންގެ ޑެބިޓް ކާޑް ލިމިޓް 1750 ޑޮލަރަށް އިތުރުކޮށްދޭން ބޭންކްގައި ރައީސުލްޖުމްހޫރިއްޔާ އެދިވަޑައިގެންފިއެވެ.
ރައީސުލްޖުމްހޫރިއްޔާ ޑރ.މުޙައްމަދު މުއިއްޒު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ
މިއީ މިއަހަރު ޙައްޖަށް ވަޑައިގަންނަވާ ފަރާތްތަކަށް ބޭންކްގެ ރަސްމީ ރޭޓުގައި ޑޮލަރު ހޯދުމުގައި ލުއި ފަސޭހަ ޙައްލެއް ހަމަޖައްސައިދިނުމުގެ ގޮތުން އެދިވަޑައިގެންނެވި އެދިވަޑައިގަތުމެއް ކަމަށް އެމަނިކުފާނު ވިދާޅުވިއެވެ.
" ދިވެހި ރައްޔިތުންގެ ބޭންކެއްގެ ގޮތުގައި ކުރައްވަމުން ގެންދަވާ ގިނަގުނަ މަސައްކަތްތަކަށްޓަކައި ބޭންކް އޮފް މޯލްޑިވްސް އަށް ވަރަށް ބޮޑަށް ޝުކުރު ދަންނަވަން." ރައީސް ވިދާޅުވިއެވެ.
މިއަހަރުގެ ރަމަޟާންމަހު އުމްރާއަށްދިޔަ އުމްރާވެރީންގެ ޑެބިޓް ކާޑް ލިމިޓްވެސް ރައީސްގެ އެދިވަޑައިގަތުމުގެ މަތީން ބޭންކް އޮފް މޯލްޑިވްސްއިން 1500 ޑޮލަރަށް އިތުރުކޮށްދެއްވިއެވެ.
ސަރުކާރުގެ އެދިވަޑައިގަތުމަށް މިއަހަރު ރާއްޖެއިން ހައްޖަށްދާ ހައްޖުވެރީން ވަނީ މައްކާ ރޫޓް އިނީޝިއޭޓިވްގައިވެސް ހިމަނުއްވާފައެވެ. މައްކާ އިނީޝިއޭޓިވްގައި ހިމެނުމުން ހައްޖުވެރިން އަމިއްލަ ޤައުމުން ފުރުމުގެ ކުރިން، ދެ ޤައުމުގެ އިމިގްރޭޝަނުން ކުރަންޖެހޭ ކަންކަން އަމިއްލަ ޤައުމުގެ އެއަރޕޯޓްގައި ތިބެ ނިންމައިގެން ފުރުމުގެ ފުރުޞަތު ލިބޭނެއެވެ. ލަގެޖާވެސް ހަވާލުވާނީ މައްކާގައި ތިބޭ ހޮޓަލުންނެވެ.
ރިއެކްޝަންސް
