މާލެ ސަރަހައްދުގައި އުޅޭ ބިދޭސީންގެ ބައޯމެޓްރިކްސް ދިނުމަށް މާރޗް 15 ގެ ނިޔަލަށް މުއްދަތު ދީފި
މާލެ ސަރަހައްދުގައި އުޅޭ ބިދޭސީންގެ ބައޯމެޓްރިކްސް ދިނުމަށް މާރޗް 15 ގެ ނިޔަލަށް މުއްދަތު ދީފިއެވެ. ހޯމްލޭންޑް މިނިސްޓްރީން މިއަދު ނެރުނު ބަޔާނެއްގައި ބުނީ މާލެ ސަރަހައްދު (މާލެ, ހުޅުމާލެ ފޭސް 1, ފޭސް 2, ވިލިމާލެ, ތިލަފުށި, ގުޅިފަޅު) ގައި ވަޒީފާ އަދާކުރާ ބިދޭސީންގެ ބައޯމެޓްރިކްސް އަންނަ މާރޗް މަހުގެ 15 ގެ ކުރިން ދޭން ޖެހޭނެ ކަމަށެވެ.
މިނިސްޓްރީން ބުނީ ބިދޭސީންނަށް ވަޒީފާ ދޭ ފަރާތުން އެމުއްދަތުގައި އެމީހުންގެ ބެލުމުގެ ދަށުގައި ތިބި ބިދޭސީންގެ ބައޯމެޓްރިކްސް އަޕްޑޭޓްކޮށް ނިންމަންޖެހޭނެ ކަމަށެވެ. އެމުއްދަތުގައި އެކަންކޮށް ނުނިންމައިފި ނަމަ އެކްސްޕެޓް ސިސްޓަމުން ސަސްޕެންޑްކޮށް ޚިދުމަތް މެދުކަނޑާލެވޭނެ ކަމަށް މިނިސްޓްރީންގެ ބަޔާނުގައި ބުނެފައިވެއެވެ.
ބައޯމެޓްރިކްސް (ފިންގަރޕްރިންޓް, ފޮޓޯ) އަޕްޑޭޓް ކުރުމުގެ ކަންކަން ކުރިއަށް ގެންދަންޖެހެނީ ޑިޕާރޓްމަންޓް އޮފް ފޮރިންގ ލޭބަރއާ ގުޅިގެންނެވެ. މާލެ ސަރަހައްދުގައި ބައޯމެޓްރިކްސް ނެގުމުގެ ކަންކަން ވިލަރެސްކޮށް ކޯޑިނޭޓް ކުރަނީ އެންސީއައިޓީ އާއި ކުރަނގި އޮޕަރޭޝަނަށް ޚާއްޞަކޮސްފައިވާ ޖޮއިންޓް އޮޕަރޭޝަން ސެންޓަރުންނެވެ. ސެންޓަރުގެ ޚިދުމަތް ދެނީ ހުކުރު ދުވަސް ފިޔަވާ ކޮންމެ ދުވަހަކު ހެނދުނު 09:00-22:00 އަށެވެ.
ރިއެކްޝަންސް
