ރައީސްގެ އެސްޓޯނިޔާ ދަތުރަށް ޚަރަދުވީ 1.4 މިލިއަން ރުފިޔާ
ރައީސުލްޖުމްހޫރިއްޔާ ޑރ.މުޙައްމަދު މުއިއްޒު އެސްޓޯނިޔާ އަށް ކުރެއްވި ދަތުރުފުޅަށް ޚަރަދުވީ 1.4 މިލިއަން ރުފިޔާ ކަމަށް ރައީސުލްޖުމްހޫރިއްޔާގެ އޮފީހުން ވިދާޅުވެއްޖެއެވެ.
ރައީސް އޮފީހުން އަންނަނީ ރައީސުލްޖުމްހޫރިއްޔާގެ ދަތުރުފުޅުތަކަށް ކުރައްވާ ހޭދަ އިސްވެ ހާމަކުރަމުންނެވެ. އެގޮތުން އެސްޓޯނިޔާ ދަތުރަށް ޚަރަދުކުރެއްވި ސީދާ އަދަދަކީ 1,371,069.18 (އެއް މިލިއަން ތިންލައްކަ ހަތްދިހަ އެއްހާސް ފަސްދޮޅަސް ނުވަ ރުފިޔާ އަށާރަ ލާރި) އެވެ. ރައީސުލްޖުމްހޫރިއްޔާ އެސްޓޯނިޔާއަށް ވަޑައިގެންނެވީ މިދިޔަ ޖެނުއަރީ މަހުގެ13-17 އަށެވެ. މިއީ ރާއްޖޭގެ ރައީސްއަކު އެސްޓޯނިޔާއަށް ރަސްމީ ދަތުރުފުޅެއް ކުރެއްވި ފުރަތަމަ ފަހަރެވެ. ރައީސުލްޖުމްހޫރިއްޔާ އެސްޓޯނިޔާއަށް ވަޑައިގެންނެވީ އެގައުމުގެ ރައީސްގެ ދައުވަތަކަށެވެ.
މިދަތުރުފުޅުގައި ރައީސުލްޖުމްހޫރިއްޔާ އެސްޓޯނިޔާގެ ރައީސްއާ ބައްދަލުކުރެއްވިއެވެ. އަދި ބައެއް ވަޒީރުންނާވެސް ބައްދަލުކުރެއްވިއެވެ. އަދި ބައެއް އެއްބަސްވުންތަކުގައި ސޮއިކުރެއްވިއެވެ.
ރިއެކްޝަންސް
