ކޮޕާ ޑެލް ރޭ ކުއާޓަރ ފައިނަލްގެ ގުރުއަތުލުން: މި ސީޒަނުގައި އަދި ދެ 'ކްލެސިކޯ' ފެނިދާނެ
ކޮޕާ ޑެލް ރޭ ގެ ކުއާޓަރ ފައިނަލްގެ ގުރުއަތުލުން މިއަދު ބާއްވާފައިވާއިރު ބާސެލޯނާ ވާދަކުރަން ޖެހުނީ ވެލެންސިއާ އާއެވެ. އަދި ރިއަލް މެޑްރިޑް ވާދަކުރާނީ ލެގަނޭސް އާއެވެ. މިގޮތަށް ދިމާވުމާއެކު ސެމީ ފައިނަލް ނުވަތަ ފައިނަލްގައިވެސް ބާސެލޯނާ އާއި ރިއަލް މެޑްރިޑް ފެނިގެން ދިއުން ގާތެވެ.
ބާސެލޯނާ އަދި ރިއަލް މެޑްރިޑް ވެސް ކުއާޓަރ ފައިނަލްގެ މެޗުތައް ކުޅޭނީ ރަށުން ބޭރުގައެވެ.
ކުއާޓަރ ފައިނަލްގައި ވާދަކުރާ އިތުރު ޓީމުތައް ކަމަށްވާ އެތްލެޓިކޯ މެޑްރިޑް އެމީހުންގެ އަމިއްލަ ދަނޑުގައި އެންމެ ފަހުން ލަލީގާގައި ބާސެލޯނާ މޮޅުވިޔަނުދީ ހިފެހެއްޓި ގެޓާފޭ އާ ބައްދަކުރާނެއެވެ. ރެއާލް ސޮސިއެޑާޑް ބައްދަލުކުރާނީ އޮސަސޫނާ އާއެވެ.
ކުއާޓަރ ފައިނަލްގެ ހުރިހާ މެޗެއްވެސް ކުޅުމަށް ހަމަޖެހިފައިވަނީ ފެބުރުއަރީ 3 ން ފެށިގެން ކުރިއަށް އޮތް ހަފުތާގައެވެ. ކުއާޓާރ ގައި މޮޅުވާ ޓީމުތައް ސެމީގައި ދެ ލެގް ކުޅޭނެއެވެ.
މާނައަކީ ސެމީއަށް ބާސެލޯނާ އަދި ރިއަލް މެޑްރިޑް ދަތުރުކޮށްފިނަމަ މި ސީޒަންގައި ދެ 'ކްލެސިކޯ' ފެނުމަކީ އެކަށީގެންވާ ކަމެކެވެ.
ރިއެކްޝަންސް
