އަސްކޮއި އުމުރާ ކުންފުނީގެ މައްސަލަ ފުލުހުންނަށް ހުށަހަޅައިގެން, ފިޔަވަޅު އަޅާނަން- މިނިސްޓަރ
އަސްކޮއި އުމުރާ ކުންފުނީގެ މައްސަލަ ފުލުހުންނަށް ހުށަހަޅައިގެން, ފިޔަވަޅު އަޅުއްވާނެ ކަމަށް އިސްލާމިކް މިނިސްޓަރ ޑ.މުޙައްމަދު ޝަހީމް އަލީ ސައީދު ވިދާޅުވެއްޖެއެވެ. އެމަނިކުފާނު މިފަދައިން ވިދާޅުވީ އަސްކޮއި އުމްރާ ކުންފުނިން ފައިސާ ނެގުމަށްފަހު އުމްރާއަށް ނުގެންގިސް ލަނޑުދިން މައްސަލައެއް އަނެއްކާވެސް ސަމާލުކަމަށް އައުމުންނެވެ.
މިނިސްޓަރ ވިދާޅުވީ އަސްކޮއި އުމްރާ ކުންފުނިން އުމްރާއަށް މީހުން ގެންދިއުމަށް ފައިސާ ނަގައި ފުރަން އޮތް ދުވަހު ނުފުރައި ލަނޑުދީގެން އުޅޭކަމުގެ މައުލޫމާތު ރޭ އިރާކޮޅު މިނިސްޓްރީގެ ސަމާލުކަމަށް އައިސްފައިވާ ކަމަށެވެ. މި މައްސަލަ ފުލުހަށް ހުށަހަޅައި ޤަވާއިދާ އެއްގޮތައް ފިޔަވަޅު އަޅުއްވާނެ ކަމަށް މިނިސްޓަރ ވިދާޅުވިއެވެ.
އެމައްސަލަ ސަމާލުކަމަށް ގެނައީ އެގްރޫޕުން އުމްރާއަށް ދިއުމަށް ފައިސާ ދެއްކި ނަމަވެސް އުމްރާއަށް ދެވޭގޮތް ނުވިބަޔަކު ސޯޝަލް މީޑިޔާގައި އެކަން ސަމާލުކަމަށް ގެނައުމުންނެވެ. ފައިސާ ނެގުމަށްފަހު އުމްރާއަށް ނުގެންދެވެނީ ގަލްފް ހަނގުރާމައިގެ ސަބަބުން ކަމަށް ބުނެ, އެކުންފުނީގެ ވެރިން ފޯނުވެސް ނިއްވާލާފައިވާ ކަމަށް ބުނެފައި ވެއެވެ. އަދި ފައިސާ ދެއްކި މީހުންގެ ޕާސްޕޯރޓްތައްވެސް ވީ އެކުންފުނީގައި ކަމަށް ބުނެފައިވެއެވެ. އަދި މިމަހު 24 ގައި ފުރަން މާލެ އަންނަންވެސް މީހުންނަށް އެނގިއެވެ.
މިއީ އަސްކޮއި ގްރޫޕުން މިގޮތަށް ލަނޑުދިން ފުރަތަމަ ފަހަރެއްވެސް ނޫނެވެ.
ރިއެކްޝަންސް
