ރާއްޖޭގެ ފަތުރުވެރިކަމުގެ އެއްބާނީ މުޙައްމަދު ޢުމަރު މަނިކު އަވަހާރަވެއްޖެ
ރައީސް ތައުޒިޔާ ވިދާޅުވެއްޖެ
ރާއްޖޭގެ ފަތުރުވެރިކަމުގެ އެއްބާނީ ނިޝާން މުލީގޭ ޝަރަފުގެ ޢިއްޒަތުގެ ވެރިޔާ މުޙައްމަދު ޢުމަރު މަނިކު އަވަހާރަވެއްޖެއެވެ. އެމަނިކުފާނު އަވަހާރަވީ އާލާސްކަންފުޅާ އުޅުއްވުނަށްފަހުއެވެ.
އިއްޔެވެސް އެމަނިކުފާނު އަވަހާރަވި ޚަބަރު ފެތުރުނެވެ. އެކަމަކު އާއިލާއިން އެކަން ދޮގުކުރެއްވިއެވެ. މުހައްމަދު އުމަރު މަނިކު އަވަހާރަވުމުގެ ހިތާމައިގައި ރައީސުލްޖުމްހޫރިއްޔާ ވަނީ ރައުޒިޔާ ވިދާޅުވެފައެވެ. ރައީސުލްޖުމްހޫރިއްޔާ ވިދާޅުވީ މުޚައްމަދު އުމަރު މަނިކު އަވަހާރަވި ޚަބަރު އެއްސެވީ ވަރަށް ފުން ހިތާމައާއެކުގައި ކަމަށެވެ.
ރާއްޖޭގެ ފަތުރުވެރިކަން މިއަދާ ހަމައަށް ތަރައްޤީވެ ކުރިއަރައި ދިޔުމުގައި މުހައްމަދު އުމަރު މަނިކު ކުރައްވާފައިވަނީ، ތަޢުރީފް ޙައްޤު މަސައްކަތްޕުޅުތަކެއްކަން ރައީސް ފާހަގަކުރެއްވިއެވެ. ރާއްޖެއަކީ ދުނިޔޭގެ ފެންވަރުގައި ފާހަގަކޮށްލެވޭ ފަތުރުވެރިންގެ ޚާއްޞަ މަންޒިލަކަށް ހެއްދެވުމުގައި ވެސް އެމަނިކުފާނު ކުރެއްވި ބުރަ މަަސައްކަތްޕުޅުތަކާއި، އަދާކުރެއްވި ދައުރު ނުހަނު ބޮޑުކަމަށް ރައީސް ވިދާޅުވިއެވެ.
"މާތްﷲ، މަރްްޙޫމް މުޙައްމަދު ޢުމަރު މަނިކުގެ ފުރާނައަށް ހެޔޮ ރަޙްމަތް ލައްވައި ސުވަރުގޭގެ ދާއިމީ ނިޢުމަތް މިންވަރު ކުރައްވާށި! މަރްޙޫމްގެ ޢާއިލާއަށް ކެތްތެރިކަން ދެއްވާށި! އާމީން." ރައީސްގެ މެސެޖް ނިންމަވާލައްވަމުން ވިދާޅުވިއެވެ.
މުޙައްމަދު އުމަރު މަނިކު އަވަހާރަވީ ސިންގަޕޫރުގައެވެ. ޖަނާޒާވެސް މިއަދު ބާއްވަނީ ސިންގަޕޫރުގައެވެ.
ރިއެކްޝަންސް
