ކެފޭއެއްގައި އިން މީހަކު މަރުވެއްޖެ
މާލޭގެ ކެފޭއެއްގައި އިން މީހަކު މަރުވެއްޖެއެވެ. ރޭގެ ވަގުތެއްގައި މަރުވީ މާފަންނު ކެފޭއެއްގައި އިން މީހެކެވެ.
ކުއްލިއަކަށް ޚަބަރު ހުސްވެގެން މަރުވީ މ.މޫން ޑްރޮޕްސް 58 އަހަރުގެ އަހުމަދު ޝަރީފް އެވެ. ފުލުހުން ބުނީ ކެފޭއެއްގައި އިން މީހަކު ޚަބަރު ހުސްވެގެން އައިޖީއެމް ހޮސްޕިޓަލަށް ގެންދިޔަ މައުލޫމާތު ލިބުނު ކަމަށެވެ. ފަހުން ހޮސްޕިޓަލާ ހަވާލާދީ ފުލުހުން ބުނީ އޭނާ މަރުވެފައިވާ ކަމަށެވެ.
އެކަން ހިނގީ ކޮން ކެފޭއެއްގައި ކަމެއް, ކިހިނެއް ވެގެންކަމެއް ފުލުހުން ނުބުނެއެވެ. ފުލުހުން ބުނީ މިހާދިސާއާ ގުޅިގެން ބަލަން ޖެހޭ ކަންކަން ބަލަމުންދާ ކަމަށެވެ. ކުއްލި މަރުތައް ވަރަށް ބޮޑަށް ވަނީ އިތުރުވެފައެވެ.
ރިއެކްޝަންސް
