އާރުޑީސީގެ ކުރީގެ އެމްޑީ މޫކޭ އާއި ސީއެފްއޯ ޔާސިރު ދިރިއުޅޭތަން ފާސްކޮށް, އިލެކްޓްރޯނިކް ސާމާނު ހިފަހައްޓައިފި

ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ)ގެ ކުރީގެ މެނޭޖިންގ ޑިރެކްޓަރ މޫސާ އަލި މަނިކު (މޫކޭ) އާއި ޗީފް ފައިނޭޝަން އޮފިސަރ (ސީއެފްއޯ) ޔާސިރު ހަސަން ދިރިއުޅޭ ދިރިއުޅޭތަން ފާސްކޮށް, އިލެކްޓްރޯނިކް ސާމާނު ހިފަހައްޓައިފި އެވެ.

ރޭ ދަންވަރު ފުލުހުން ބުނީ އެމީހުން ދިރިއުޅޭ ތަންތަން ބަލާ ފާސްކޮށް, އިލެކްޓްރޯނިކް ސާމާނުތައް ހިފެހެއްޓީ ތަހުގީގު ކުރަމުންދާ މައްސަލައަކާ ގުޅިގެން ކަމަށެވެ. ތަހުގީގު ކުރަމުންދާ މައްސަލައިގެ ތަހުގީގު ބޭނުމަށް ކޯޓް އަމުރެއްގެ ދަށުން މޫކޭ ދިރިއުޅޭ ތަނާއި ޔާސިރަށް ނިސްބަތްވާ ދެ ތަނެއް ފުލުހުން ވަނީ ފާސްކޮށްފައެވެ.

އަރުޑީސީގެ ކޮރަޕްޝަންގެ ތުހުމަތަށް އެންމެ ފުރަތަމަ އާރުޑީސީއަށް ފުލުހުން ވަނީ އެމީހުން މަގާމްތައި ތިއްބާ މިދިޔަ ސަރުކާގެ ފަހު ދުވަސް ކޮޅުއެވެ. އޭރު ރައީސުލްޖުމްހޫރިއްޔާ ޑރ.މުޙައްމަދު މުއިއްޒު އަކީ އިންތިޚާބީ ރައީސް އެވެ.

ފުލުހުން އޭރު ތަހުގީގު ކުރީ ސީއެފްއޯ ޔާސިރުގެ އެކައުންޓަށް ޝައްކު އުފެދޭ ގޮތަށް ގިނަ އަދަދެއްގެ ފައިސާ ވަން މައްސަލައެކެވެ. އަދި ބައެއް މުވައްޒަފުންގެ އެކައުންޓްތަކަށްވެސް ފައިސާ ވަންކަމަށް އޭތު ބުންޏެވެ. އެކި ފަހަރު މަތީން ޔާސިރުގެ އެކައުންޓަށް 13 މިލިއަން ރުފިޔާ ވަންކަމަށް އޭރު ފުލުހުން ބުންޏެވެ. އަދި ހިޔާނާތުގެ ތުހުމަތުވާ އެހެން މީހެއްގެ އެކައުންޓަށްވެސް 11 މިލިއަން ރުފިޔާއެއް ވަންކަމަށް ކުރިން ފުލުހުން ބޭއްވި ނޫސްވެރިންގެ ބައްދަލުވުމެއްގައި ބުންޏެވެ.

ކޮރަޕްޝަނާއި ހިޔާނާތުގެ ވާހަކަތައް މޫކޭއާއި ޔާސިރުވެސް މީގެކުރިން ވަނީ ދޮގުކޮށްފައެވެ. އެމީހުން އެކަން ދޮގުކުރަން ނޫސްވެރިންގެ ބައްދަލުވުމެއްވެސް ބޭއްވިއެވެ.

ފެނަކައިގެ ކޮރަޕްޝަންގެ މައްސަލައެއްގައި އެކުންފުނީގެ ކުރީގެ މެނޭޖިންގ ޑިރެކްޓަރ އަހުމަދު ސައީދުގެ މައްޗަށް މިހާރު ވަނީ ދައުވާ އުފުލާފައެވެ. ސައީދުގެ އިތުރުން އެކުންފުނީގެ އޭރުގެ ޕްރޮކިއުމަންޓް ހެޑް މަރިޔަމް ދީނާގެ މައްޗަށްވެސް ވަނީ ދައުވާ އުފުލާފައެވެ. އެމީހުންގެ މައްޗަށް ތައުވާ އުފުލީ އޭސީސީން މައްސަލަ ތަހުގީގުކޮށް, ޕީޖީގައި ދައުވާ ކޮށްދޭން އެދުމުންނެވެ. ޕީޖީން ވަނީ ކްރިމިނަލް ކޯޓަށް ދައުވާ ހުށަހަޅާފައެވެ.