ކުރިނބީ ޑަބްލިޔުޑީސީގެ ތިން ގޮނޑިވެސް ޕީއެންސީ އަށް
މިއަދު އޮތް ހދ.ކުރިނބީ އަންހެނުންގެ ތަރައްޤީ އަށް މަސައްކަތް ކުރާ ކޮމިޓީގެ ބައި-އިލެކްޝަންގައި ތިން ގޮނޑިވެސް ވެރިކަން ކުރާ ޕީއެންސީން ކާމިޔާބުކޮށްފިއެވެ.
ތިން ގޮނޑި ކާމިޔާބުކުރީ ފާތިމަތު ނާފިޠާ އިސްމާއީލް އާއި ރާނިޔާ މުޙައްމަދާއި, އިނާސާ އާދަމް އެވެ. ތިން ގޮނޑިވެސް ޕީއެންސީގެ ކެންޑިޑޭޓުން ކާމިޔާބުކުރީ އިދިކޮޅު އެމްޑީޕީގެ ކެންޑިޑޭޓުންނާ ވާދަކޮށެވެ.
ވަގުތީ ނަތީޖާއިން ދައްކާގޮތުން ނާފިޠާއަށް 165 ވޯޓް ލިބުނެވެ. އިނާޝާއަށް 163 ވޯޓް ލިބުނެވެ. އަދި ރާނިޔާއަށް 164 ވޯޓް ލިބުނެވެ. އެމްޑީޕީގެ ތިން ކެންޑިޑޭޓުންގެ ތެރެއިން އެމްމެ ގިނަ ވޯޓް ލިބުނު އިފާޤާ އާދަމް އަށް ލިބުނީ 153 ވޯޓެވެ.
ޕީއެންސީގެ ކެންޑިޑޭޓުން އިންތިޚާބު ކާމިޔާބުކުރެއްވުމާ ގުޅިގެން ޕާޓީގެ ލީޑަރު އަދި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވަނީ މަރުހަބާ ދަންނަވާފައެވެ.
ރިއެކްޝަންސް
